目前分類:各行各業 (8)

瀏覽方式: 標題列表 簡短摘要

原文:http://unwire.hk/2013/12/10/google-decide-scrap-plan-build-hk-data-center/top-news/


早陣子一直在傳 Google 打算在香港建設新的數據中心,亦傳聞在將軍澳預備建設數據中心的地皮就是屬意留給 Google。不過 Google 剛剛發表了聲明,表示決定放棄在香港建設自家數據中心的計劃,取而代之只會發展位於台灣及新加坡的數據中心設施。

本地 IT 人入 Google 夢碎?
Google 的 Asia-Pacific policy communication manager Taj Meadows 在接受 Wall Street Journal 訪問時表示,成本高昂及難以在香港找尋一個廣闊的土地建立數據中心,是他們放棄今次計劃的主因。而建設數據中心,需要容納計算機、電子通訊、存儲設備、應急電力供應和安全設備,所以需要極大片土地建設亦無可厚非。而本來可能因應新數據中心而出現的新工作機會,亦可能因為今次 Google 的決定而令本地 IT 人夢碎。
在 2010 年時,Google 曾經因為抗議中國政府的互聯網審查退出中國市場,對於 Google 今次的決定是否與香港與中國關係密切有關,Taj Meadows 拒絕評論。
香港 IT 未來發展或有影響
現時 Google 在全球擁有 12 個數據中心,而其中 7 個是位於美洲區域。Google 早前亦已宣布會在台灣及新加坡分別投資 3 億美元及 1.2 億美元建設新的數據中心設施,並預計會在今年年尾開始運作。今次 Google 決定放棄在香港建設數據中心,暫時未知會否引來 IT 業界對香港未來科技發展前景引發憂慮,但對於香港的 IT 發展願景,無疑是一個大打擊。

諾維爾 發表在 痞客邦 PIXNET 留言(0) 人氣()

小弟係一 剛離職的警員,做左十幾年,無什麼得著,但對警隊前線有少少認知,現時的招募廣告, 只會把做員警講得點好點好,人工點高,如何英明,如何果斷,但現實裡的員警真的如此嗎?! 太多年青人,剛畢業的學生思想未完全成熟,被這美麗的包裝迷惑了,從前成龍的員警故事,港產警匪片把員警英雄化了, 真實的一面只有行內人先知,但通常隱惡揚善,臭屎密襟

你適合做警員嗎??當你遇到以下問題你會如何解決呢??

【1】 當你遇在工作上遇上不公時,你出聲爭取,定忍氣吞聲?

如你據理力爭,証明你唔識撈,太多時候都係上級的眼中釘,一世無得升就係你這種人, 如你事事忍氣吞聲,處處為上級著想,你就好適合當差,分分鐘有得升級

【2 】當你見到市民遇上不平的事,你又會否為民請命呢?

如 你事事為市民出聲,你做埋d要小隊指揮官做oc 的案件,你就會俾上司小你,因你唔識做,煩到上級,咁你又會成為佢地的眼中釘,因絕大多數軍裝部的上司只希望案件能成刑事案, 能轉由CID部門更進,所以你又變成一個唔識做人的軍裝警,神憎鬼厭, 但你事事做到唔上身,唔使煩到上司,有案能燒上去俾CID,你就係一個好的軍裝警,最好自己一手一腳搞定,唔使你上司煩,就做到最好

【3 】當更前訓示時,你的上司表示今個月的截停搜查數字唔夠,暗示你要做多D, 你會聽話地去無理搜查(只為數字),定係跟法例有可疑先搜查呢???

如你聽話,只為數字而做時,你就違背良心去做(當你被人投訴時,唔會有上司認叫你去做多d搜查,有苦只有警員受), 但你依法搜真正可疑的人時,你的數字一定係少, 咁你又被上司當作眼中釘 ,搞對抗,而亦無同事會支援你, 咁你估下你的週年報告是好是壞??

【4】 你同拍檔巡邏時,你想主動找case拉人??定主動避case因怕拉人呢???

現 今軍裝75%以上同事都係盡量唔拉人,除非避無可避,就算有得拉, 都盡量做到唔使拉,同你本身做員警除暴安良又係背道而弛, 何解,因拉一人要做的工作太多,同責任的問題,再上法庭被律師同法官玩, 有幾可見警長同以上階級上法庭. 未當差的小朋友心中有憧景如何除暴安良 但現實還現實,你做過一次就明,自己的角色如同笑醜, 有部份人可能唔認同,但十多年的工作經驗,同我接觸的同事.大多數都係這樣想的 如你,又會點選擇呢????

【5 】如處理案件時,你拍擋毆打犯人/報案人, 而佢又串又抵打 或唔抵打, 你又會點做呢, 向上司指證佢定係扮唔知 ,定係同流合污???

【6】 開工巡邏期間.突然被人在街上指住不停罵死差佬,死烏龜,而原因不知, 你會急步離去, 定停低同佢理論/調查???

【7】 每次走入餐廳食野都閃閃縮縮(有時仲要行後門),坐就坐d暗角位, 有乜風吹草動(驚人打電話投訴/驚現場有事發生),好似老鼠咁就走都走唔切, 又唔係唔俾錢,但係香港做警員去餐廳食野,就驚呢樣驚果樣, 一個正常人點會咁,真係似人的行為嗎???(而警員已上的職級就受到保護,可在警署裡食,所以現在好小見到警長或以上的職級的員警在街外的餐廳食野,但警 員就一定要開工時趕 曬出去,由你自生自滅), 外國員警肚餓就食野,但香港員警就做到人唔似人,老鼠唔似老鼠, 你做警員會接受得到嗎??

【8】 大熱天時,咩住10幾磅裝備週街行,冬天亦如事, 你入職時20多歲就可能無問題,但人年紀一大,體能下降, 你認為自己還能認付嗎,如到40歲,你仲係唔肯去擦鞋,升唔到級, 會唔會覺得好無耐,自己做的工種同剛入職的新同事一樣, 又要聽D 30幾歲警長的聰明調配, 你估下到時的心情會如何呢??

【9 】人工方面,成日話高,其實係好表面,只係起薪高人少少, 做工作量就多人10多倍,得不償失,警員頂薪23125元, 最快7年就去到這個頂薪,咁短期裡就無得再加, 你升到級就有得加,但警隊升警長平均要14年多, 你接受得到嗎???

【10】 前途方面有等於無,成日聲稱自己專業,但無一樣係專業, 只係口號,自欺欺人,毫無技能,你做得幾年,已同出面世界脫節, 根本出去就搵唔到食,(政府內部轉職可能仲有一線生機), 什麼使命感,成就感,只係欺騙思想未成熟的年青人加入的口號, 人總要為自己前途著想,當差唔等於一世. 仲有警隊有一錯誤的信息,係成日叫警員發展事業, 即係留在警隊升警長或督察, 連何為職業, 何為事業都未分得清楚, 警隊管理層真係有好大問題, 而你會發展你個人的職業定係事業呢????

【11 】當你休班時,同家人去食飯,撞返之前被你拉過的人/古惑仔/做過搜查的人/大家玩過野的人, 而在你家人面前指住你來小,又小埋你家人, 你這時又會點做呢???

【12】 當你夜更巡邏時,拍住一個大家有心病的同事.太家無講野, 當有案件要做/有搜查要做已明知一定會被投訴時, 你信得過對方嗎,如信對方到最後煽你如何解決, 如不信又如何解決呢???

【13】 個人關係,早期未有互聯網時, 做警員又等於斷六親,何解, 因你去唔到9,5位, 不停輪更,人返工你休息,人休息你又返工,大時大節你又放唔到期, 見面機會自然小,家人親友亦如是, 現在有互聯網就叫好少少, 但亦差不遠

【14】 近年警隊的工作坊推行三公,公平,公開,公正, 但記住.係要求警員對外玩三公,但對內就不公, 而你作為一警員,下下對人玩公平, 但被人對待就玩不公平, 你覺得可接受嗎, 唔使講多,警員被拉被告,上庭被定罪, 罰就雙倍,已知係被歧視, 如法律係公平的話,何解要罰重一點呢, 何解律師,法官,法官之子,議員又唔罰重一點, 因這一行在法庭上先係弱勢一群,唔講出來,街外人仲以為有優待, 你做警員,又接受得到嗎

【15】 社會地位低,做得耐少少的警員應好多有同感,當然有人會唔認同,但係事實, 今時今日,仲有幾多警員收工後仲同人講自己當差(有小部份會), 當然又有人唔認同,但從off duty拉野數字已知到現實的答案 

【16】 PTU 有兄弟想知這方面的事,今日講講,機動部隊,唔好睇得任達華果幾套就當曬係真的一樣,雖有部份係真實,差不多每個警員都要入的,大約出左警校1-2年就要 入去, 早十年,入PTU係在小隊俾上級用作排除異己的方法, 除左新人外,好多都係爛銅爛鐵,現在新人多,就無左咁的情況

通常一埋新PTU,每隊都會搵個target.來做箭把, 做得都好慘...唉,而在粉嶺受訓,又係做埋d無謂野, 上課時,為左表現自己(某部份警員),不停請英,答答案,練習時,又要不停出去做示範,, 你唔舉手請請纓,就會話你唔主動(冧起都作嘔),好易做target.所以成日要扮主動扮積極, 受訓完12週後,出去巡邏,又係戲肉,就係追case拉人來表現自己, 一隊裡又分4小隊,你有你鬥,我有我鬥,大家鬥拉野多,搞到專做埋d無謂野, 因無固定的巡邏警區,去到邊都不受歡迎

何解?因去到邊一警署, 都會佔有人地的資源,成日拉埋d細眉細眼case(搞笑居多),搞到報案室工作量大增, 每月月頭,你小隊警長就會話好天斬埋落雨柴,叫你早日開齋,月中又話唔夠數,用尾又話要追數, 年紀大少少的警員,應記得這追數行為的惡果,1995年的a coy 同f coy,發左好多單野出來, 好多警員被拉,其一單被評入左,個警員無得做,要入獄,後來在白田開左間,xx 茶餐廳, 如你做ptu警員,你上司追你case,你又會點做呢?????

【17】 部門士氣,這部們好奇,中層會盡量做到唔使煩上層,磋度上司的心, 經常做一些無謂的奉成,例如上層叫你做一件工作,你只要做第1步, 咁中層又會估上層的意思,又會叫下級做埋2,3,4,5步,經常用做多無壞的精神, 但做出來又無成果,如你反影,又會話你又不是上層,你點知佢地在想什麼,又會講, 你唔鐘意就唔好撈,再者這行,的基層有問題要中層解決時,中層每每將個問題的責任交返俾基層去解決, 因佢地唔會將個問題上達俾高層聽,因為高層唔想聽到,唉........上層唔係唔知基層的苦,係佢知都唔會去改,常有一種心態就係,如一改, 有事的時候,就要佢孭鑊,分分鐘無得升級,不如犧生基層,反正又唔使佢去做, 久而久之,問題永遠無解決,結果亦一樣,有一好笑事,就係每個警署,每月都要做一士氣報告, 但每月做出來都係話,警員士氣高,但實際係點,大家心中有數,高層係要睇到好的結果, 所以就會得出好的報告,唔需要事實,這就是警隊的死結,下情永不能上達, 這就是我們的警隊,總之當有事發生要問責時,就會一級推一級, 最後推到老散身上(因你最低級,無得推),千錯萬錯,最終都係老散錯, 你做警員能接受這樣的警隊嗎???

【18 】升級, 正常人打一份工都希望自己升級, 小弟初入行都有這想過, 警員先要夠三年年資,考一升級試及格, 才有資格講博升級, 警隊平均要十多年先升一級為警長, 但不表示你學識高,大學生就一定易升, 中間要做非常多的功夫

如軍裝的話,要去多幾個部門取分,每一個唔同的職位都有分, 要每年的週年報告都要寫得好,當中要識做人, 奉承上司就少不免,有核突的, 有d無咁核突,睇你功力,又要在工作上做得到成果,又要唔會煩到上司, 唔理你有幾多次功勞,一次做錯,分分鐘玩完, 所以唔會有警員認自己做錯,只會扭盡六壬, 話自己無錯., 埋到上司埋之外,警隊又要求你做一所為的義工,要有証書果隻, 又要你扮進修,最低限度要俾錢買課程果種, 所以好多聲稱博的警員都會,做表面功夫,話進修,又做義工這些無謂野, (真進修,真心做義工除外)但大家心中有數啦,, 而平日的功夫都要不斷做好,如入ptu又要爭best pc, 出特別職務隊又要交到數,又要唔high野, 這種所為博的緊張生涯,由第3年兵開始, 一直堅持到你成功升級,或決定放棄, 當中包含好多無做人尊嚴的事, 擦鞋事大家都識做,睇你個人接受程度, ( 例子 早幾年地鐵咪有得換HELLO KITTY 火車換, 有一小隊督察出去飲野時話自己個女鐘意, 咁同隊有個同事就用左一千元去買齊, 之後去送俾個督察,話換多左,送俾佢個女)

我個人就唔識做人,所以好快放棄左博升級這念頭, 而在這警隊裡, 如博十年,升到已叫做好好, 一切睇你做化, 而在軍裝小隊同cid 睇街症果d, 有成70%都係唔博, 特別部門就多少少人博, 唔小仲係博大霧, 因這幾年退休潮,多上司走人, 警長位多左, 而警隊又有一怪現像 就有你就算係癡脷根,漏口,流口水,四不像, 只要你願博,願擦,你一樣有級升, 但你學歷高,人醒,但你唔擦鞋呢.對唔住,下世再黎過, 現在做成好多警長都係智慧過人, 但挽鞋箱就一絕, 前線俾呢d所為的上司管理, 點會無怨氣,你做警員又會如何取捨 

【19】 餅
在警隊裡何為餅???, 就係上司的壞正策(但佢認為有效的正策), 好多時好上司就無搞咁多餅出來,因前線已經忙, 越搞就越多,大家辛苦, 但某部份自稱博的上司, 就會搞好多餅出來, 最得意就係有開就無收, 唔會有上司將上手的餅收返

【20】 聰明高層
今 日講下d高層,佢地通常返總部,不知民間的警員苦況(就算知都唔會理)只會為自己的升級而出力, 但係返得總部,都係一班熱愛奉承的下屬,唔通頂心杉有得去總部返工???所以d高層日日都係聽果d奉承說話,無受出面的考驗, 早幾年警隊轉新制服,有一宗好笑事, 唔知大家記唔記得, 先講制服,就係每人有長短恤衫及冬夏衭,及長短外套, 但如著長袖恤衫就要打呔,如你唔怕凍, 冬天都可著短袖恤衫,因新制服係由自己決定的, 當時冷天,話說一警員著短袖恤衫(不需打呔),但就著外套上法庭, 當時個法官講左句,話個警員如打呔.個形像就會好一點, 之後就有個警隊高層出命令

話以後軍裝每馮當值時著外套都要打呔, 問題就出理, 咁夏天30幾度又落雨要著外套咪又要打呔???? 個個熱到暈,証明高層不知民間疾苦,亦不理你死活, 你有你熱,佢地係寫字樓,開大小小冷氣咪唔熱啦, 過左兩個月,有警員熱暈,最後咪又回復舊制, 証明高層唔用腦............... 

【21 】同事關係
其實係巡 邏小隊裡,同事之間都係好表面, 當有事發生(會上身果d,或要上法庭,唔係指有call要做),或有案要拉人時,大家就想盡辦法退, 但又要扮做,好似 Michael Jackson moonwalk 一樣,個樣就向前,但實質就退後,將件事/案, 盡量唔上身..最後,一單案通常都係beat主一個人做,如晚上就兩個,又要再分,通常年資淺一d果個做, 所以好多時都係新人做,之前眼見d新人都幾辛苦,假又少,福利又少....所以都幾分化, 如你做警員,接近收工時(可能係夜間,人都虛脫)有野要拉人,你如點做呢???? 定係會盡量令到單案唔使拉人呢???

當無辦法一定要拉人時,咁全部責任就落在拉人果位同事度你就無得退,咁你拉得人,理據係唔係一定要充足無拉呢??, 當你的理據受到挑戰時,你會唔會講一d說話/大話/方法, 加強你的理據/口供(可能新人唔肯咁做,單案就玩完,但唔該你解釋返點解理據不足又要拉人), 但當你講左出口,寫左落口供/記事冊,就係已變真實,不可回頭, 你上法庭就要講出事實出來,到時你的內心如何, 單睇這少少文字未必想像得到, 但當你上法庭俾人推翻時,會唔會被人拉返轉頭呢, 如真係被人拉,你的感受如何???小弟都被人拉過,火腿旦飯都幾好食,不過都係想自己出去街食, 當你自已一個坐係羈留室裡時,你的心情如何, 又會唔會想想自己入獄後, 老婆仔女的生活點過呢, 佢地又要搭車過來赤柱探你,都幾煩.你又要係入面步操 , 果時你會唔會後悔呢???, 現在明唔明點解有案要拉人時個個都行 moonwalk 就係咁解, 等果d晚晚發開口夢要當差的年青去做下

文章標籤

諾維爾 發表在 痞客邦 PIXNET 留言(0) 人氣()

原文: http://www.myhk168.com/viewthread.php?tid=141389&extra=&page=2

By : 富爸爸銷售狗

本人好耐都無玩forum, 今次上黎見到原來大部份人對保險呢個行業都不甚了解
(意思是agent的生涯,以及agent與客戶 / 保險公司的恩怨情仇) 
故希望可以在此做一個少少既分享, 好讓有意入行既朋友在入行前可以三思 
(因為係你入行前, 保險公司及recruit你的經理均不會對你講真話, 坊間關於保險行業既書籍多是報喜不報憂)

本人係大學畢業生, 於保險界打滾了兩年的日子, 但呢兩年令我經歷了很多事情, 我入行頭一年已經差唔多月入兩萬 (一個manager一年既quote數係45萬, 我半年已達標) 都叫做算請到下人, 曾經有兩、三個downline跟我
現在我希望可以糾正大家一d錯誤既觀念.....

錯誤觀念一 
做保險好風光, 個個都身光頸靚?

答: 呢個要從佣金講起, 有朋友可能以為做保險好好搵, 講兩句就簽單, 張張單都成萬蚊落袋, 如果係咁保險公司既存活率就唔會入十個死九個啦! 以下就等小第大約講解下d佣金點計啦......

一般黎講唔同既單有唔同既佣金比率, 以下我就講一d比較流行d既單啦

人壽基金 - 57% (第一年), 10% (第二年), 2% (第三年及以後)
101月供基金 - 多數係30% (第一年), 5% (第二年), (第三年唔記得)

因為101單都有分前期定後期收費, 多數人瀨野既AA單(Asset Accumulator, 中文意思係我遲d殺你d資產) 係後期收費單, 呢d單既佣係按年期黎計佣金比率

e.g. 一張30年期既AA單 (我感覺上同MPF差唔多長時間) 佣金係54%
      但如果係一張5年期既AA單, 佣金係6%, 假設個客係魚腩咩都唔識,你係agent你會賣邊張? 5年期定30年期? 自己諗啦

lump sum既基金單 - 2-3%
傳統人壽儲蓄單 - 20 - 60% (又係一張按年期決定佣金比率既單, 最長年期係三十年有成60%架)
其他類別如危疾、醫療、意外等多數係 30 -40%到啦

講左咁耐大家一定認為d佣金好高, 做保險好發啦, 其實係錯的 !
以我自己為例, 我計過自己d佣其實拉埋都係三成到(未計bonus), 絕對去唔到五成
原因好簡單, 試問大家諗下, 你自己會唔會願意用超過一千蚊去買保險, 而份單仲要供超過三十年先
我自己sell得最多都係基金單, 月供基金多數只係30%到, 如果好似A記咁賣單, 同人地講三年後唔駛供仲可以隨時拎番錢咪有投訴羅, 個agent都做唔長啦 !

咁可能大家又會咁諗簽一張基金單有三成佣, 月供一千既單, 一年既佣即係3600啦 (1000 x 12 x 30%),簽三張咪已經成萬蚊一個月? 又係錯, 因為係月供單既關係, 所以你既佣金係要除12個月出既, 即係每月既收入係 300$ (3600$ /12)

我自己為例, 簽左五十萬數, 每個月既滴滴仔都係8000 - 9000到, 唔知算唔算多呢 ? (苦笑)

咁當然啦, 都仲有bonus俾你吊住條命既, 但bonus有好多種玩法計法勁複雜, 我只可以同大家講,
你入行頭兩年都唔好望有bonus, 因為有太多條件限制你有機會出唔到bonus 
e.g. 你好可能俾人斷你一、兩張月供單會令你損失幾萬蚊既bonus !


遲d我會寫埋d客有幾衰幾賤, 此外仲有我會同大家披露令我又愛又恨既保險公司恩怨情仇俾大家知道
我寫呢篇文章既目的係希望大家可以更深入了解呢行, 出面已經有太多美麗的謊言, 所以我會將最真實既一面俾大家知道, 希望衛道之士可以筆下留人, 如果有感觸既行家都歡迎入黎一齊舒發一下當抖抖氣 

好多謝大家既支持, 我相信我寫既野主要真係要有d"經歷"既行家先睇得明
我地呢行真係一入豪門深似海, 想走都唔係咁易, 食之無肉棄之可惜  

其實激發我想寫出真相既原因係因為我見到有太多人好熱血想入行, 我估通常係俾人洗左腦, (常見既係recruitment既講座, 仲有d保險經理同你講自己過百萬年薪, 入行做左幾多年拎幾多獎等), 但如果你做唔掂既時候, 佢地既真面目就會浮出黎..... 



錯誤觀念 二
保險呃人 ?


呢一個錯誤觀念小第想講好耐, 因為有好多網友都係網上話買個時就話咩都ok, 但賠個陣就賠唔到, 俾個agent呃左

其實呢度我都想同大家分析下, 首先大家要明白保險產品既結構係非常複雜的,
只係一張醫療單已經勁有學問, N咁多個item, 賠既內容又唔知佢點計, 有d可以八成包底有d又唔得, 剩係佢手術室醫生費既賠償百分比已經多到嚇死你, 再加上如果個agent係新手, 又點會識呢 

不如我又用我自己舉例啦, 我自己以前賣醫療單個陣, 因為唔識既關係, 成人同人講手術室醫生費最高賠$40000, 咁有似個客真係入院喎,點知最後claim出黎claim唔足,爆左, 佢係國內人仕又唔俾買八成包底,又無得買住院現金, 結果個客自己要狽成三千幾蚊,俾個客炮擊左好耐..... 

但我真係無呃個客, 唔claim過我都唔知公司會點claim, 公司training又無教, 咪要自己瀨過野先識羅, 仲有我想平反既係, 除非係基金單有提取費會俾agent呃,
如果唔係一般黎講保險好難呃人, 人壽真係死左係有得賠(除非你死到連條鹹魚都搵唔番, 就要等七年), 危疾係醫生決定你係咪有既, 有醫生紙即賠

反而最常見有爭議既係旅遊保同醫療, 何解呢 ? 問心個句丫, 有邊個買旅遊保未呃過錢架, 去旅行係咁易係當地報案話唔見野,返黎入左報案紙同埋d單就有得claim錢, 仲要唔駛自己搞, 買旅遊保成本都係百零蚊, 但係隨時可以claim到幾錢蚊, 你係個客,你claim唔claim丫?

至於醫療, 又係另一呃錢傑作, 因為有三個情況下, 保險公司都係可以claim得足, 就係白車入阮、專科醫生寫紙同埋私家醫院門診轉介入院, 係呢個位我可以同大家講, 其實醫生都係sales黎架, 俾佢知道你有買保險, 就會猛sell你入院照一照
無他既, 佢睇一個症都係收幾百, 但你入一入院, 佢收你八千 ! 你咪計下佢要睇幾多症先等於一個病人入一次阮羅, 所以醫生為左搵多d錢,通常都會幫d病人入阮做 "body check" , 你試諗下你係保險公司, 收你幾百蚊保費一個月, 但賠一劑就幾萬, 仲要一年兩劑,你梗係搵籍口拒賠或者拒絕受保啦 

此外, 我仲想平反一下, 真係有咁既客就有咁既保險sales, 其實保險sales為左生存, 無耐要迎合市場需要, 我試過有個客成60歲,仲要係salon仔既老闆, 佢話想買醫療保, 咁ok無問題啦, 點知佢既要求我真係俾佢吹到啤一聲, 佢問我有無d醫療保係只需要供十年就唔駛供,供要之後仲可以拎番晒十年供過既錢, 而又保終身, 你係我你會點答呢 ? 行家都知係無可能架啦, 最後我同佢講釋完之後佢買不特止,仲趕我走......

我想講可能真係有d sales為左簽單而咩都應承個客, 其實作為一個醒目既買家, 你自己可以係d sales leaflet度睇清楚, 仲有可以打去CS度問, 據我所知絕大部份既騙案都係熟人做既, 正所謂唔熟唔食嘛, 我自己做cold call, 發覺真係好難呃d客, 一般黎講佢地介心好強, 就算講真話都未必信呢 

今次係咁多先, 仲有多謝版主既支持擺左係頭版
我都係想d人認清多d我地呢行既真面目
稍後我會係文章度同大家計一計條數, 証明保險公司對我地d 前線既sales有幾刻薄
 

錯誤觀念三
保險係個人事業, 自己生意, 並唔係打工?

話時話, 而家諗返起都好佩服d保險經理, 自己事業,唔係打工簡直係本世紀最大既大話, 不過我都要解釋下點解佢地會咁架
當然啦, 事實上你真係唔係打工, 你係仲衰過打工, 何解呢? 因為保險公司係請你個陣, 根本唔係當你係僱員咁請, 咁即係點呀
即係你唔係打工仔, 並唔受香港既勞工法例保障羅 (賣保險竟然自己無保障?!) 保險公司係當你係自僱人仕咁請, 即係話你完全無打工仔既benefit, 醫療津貼完全唔駛諗, 做到數咪有羅

底薪? 唔好意思, 你係自僱人仕, 無底薪係好正常既, 亦都唔會有有薪假期, 而打工仔返工有既例如文具, 自己自備啦, 影印仲要自己俾錢, 盛惠一毫子一張, 至於電腦喎, 有既, 成層四百人輪唔夠十部電腦, 你話點輪? 

講到呢度, 大家可能會諗, 無底薪梗係唔做啦, 你放心, 保險公司為左解決呢個問題, 特別推出左一d好特別既package俾大家
就係借糧喇, 呢個package據我所知都陰左唔少人, 我真係唔明白, 返份工無糧出仲要問公司借錢 ? 大家唔覺得好搞笑咩?

我自己都係請人既經理, 經我睇過晒之後, 我發覺最抵玩既package都係non-finance, 即係一蚊底薪都唔好要, 如果唔係第日實瀨野
無論你揀咩package都好, 只要有finance, 就要對數, 對數多數係你人工既三倍 (仲有basic salary係錯的, 正確應叫finance, allowance或者top-up, 行家會明咩意思)

e.g. 假設你底薪係$8000 (大學生多數$10000), 你每月要對既數係 AFYP24000  
(AFYP 全名係 Annualised First Year Premium, 即係你第一年應收既保費, 計法係 e.g. 月供1000既基金單, 一年咪 1000 x 12羅) 
一個月要做AFYP 24000, 即係每個月最少要簽2000蚊既月供單, 又可以話係2張既1000蚊月供單, 或者係4張既500蚊月供單
咁點解係要對三倍數呢, 好簡單, 因為正常average係三成佣嘛, 應該原本月供單係要除番12個月出既, 即係話 $8000 / 12
每個月既滴滴仔係666.67蚊度, 而家因為你有拎finance, 公司advance將d佣預先出左俾你先咁解, 咁大家咪以為好筍?

咁又錯勒, 因為佢會將條數係你既bonus度扣減番, 有d package連佣都會扣起住先, 即係話如果你唔係做24000一個月,而係做十萬一個月, 佢都唔會全部佣出晒俾你, 係會hold起左, 因為佢唔知你跟住落黎做唔做到架嘛

至於你個manager, 因為你拎左finance既關係, 佢會特別"照顧"你, 即係日摔夜摔, 無他既, 又係錢作怪,因為如果你出左糧而又做唔到數, 公司會係個manager個戶口度扣番d錢, 如果你係個manager,你會唔會鞭打個downline做多d數呢 ? 

講番個美麗的謊言先, 話唔係打工自己做老闆就呃你既, 你有無見過d老闆有得升職架? 
升職表如下:
consultant (200,000 quota), senior consultant (300,000 quota),assistant unit manager (450,000 quota加1個downline), unit manger (900,000quota加2個downline), senior unit manager (2,500,000 quota加7個downline),branch manager 或 district manager (好似係 4,000,000 至5,000,000quota加16個downline), senior branch manager 或 senior district manager(8,000,000至10,000,000 quota加32個downline), agency manager 或districtdirector(20,000,000左右quota加64個downline)   

睇完呢個表, 大家明白咩叫打工啦, 仲有公司既product你根本無得揀, 做老闆自己都有權入貨丫, 我地只係一個無得揀既保險sales咋....
仲有公司management d決定又係好大鑊, 如果有做過既朋友都知, 你入職個陣, 張工作table真係細到無人有,即係得張chair加個phone, 最近我地公司請多左人, 公司竟然玩豬肉檯, 話唔夠數既agent要坐豬肉檯, 俾個locker你,張檯大家輪住坐, 我心諗, 公司賺咁多錢, 對agent又咁刻薄, 仲要玩d咁既野, 如果你真係覺得d sales搵唔到錢阻住晒既,咪炒晒佢地羅, 又唔捨得炒, 想留佢地係度攝人頭, 但又連位都唔俾佢地, 一個locker仔夠擺d咩? 個感覺好似小學生用locker咁, 勁慘

仲未計個upline成日開口埋口話要terminate你呀, 唔夠數, case或者persistency等公司又出信話terminate你呀個d咁, 我完全feel唔到有自己事業既感覺羅 (苦笑)

總括而言, 自己事業咩唔係打工呀個d, 全部都係一d美麗既方言, 目的只係想昆你入行, 仲要係唔要底薪個隻, 做到佢地有jet so, 做唔到佢地都無咩損失...... 

下一篇我會講下保險公司同埋upline manager對downline既態度, 解釋一下保險公司同埋upline manager重視人才呢個錯誤觀點
希望大家多多支持啦~ 

 

文章出街以來, 引來好多衛道之仕既攻擊, 其實我都預左, 只要係行家都唔會鐘意俾人踢爆
但我係度再重申一次, 我唔係要寫d咩好野, 我唔係要recruit人, 我唔係要將美麗既一面話俾大家聽,
凡事都有兩面, 既然坊間已經有咁多好既一面, 點解大家唔可以接受我寫唔好既一面呢 ? 
我自己唔想再回應其他人既意見, 大家如果真係好唔同意我既觀點, 或者質疑我寫既野係失實既話, 我絕對歡迎大家自己都開個post,將你覺得美麗既一面寫出黎, 都好俾新入行或者考慮入行既朋友參考下, 正所謂有人辭官歸故里,有人漏夜趕科場, 有人雄心壯志, 有人心灰意冷,實屬正常

有本書我係書局睇度, 覺得寫得幾正, 大家有興趣可以買番去睇下, 作者叫K.F, 佢本書名好似叫"銀行有罪 - 分行sales無間道" ,將銀行最真實既一面寫晒出黎, 目的都係想提醒大家, 唔好中招, 唔好亂信sales, 或者亂買野, 最緊要自己諗過, 係咪適合自己需要,唔好人云亦云, 我既本意都係一樣

好勒, 澄清完, 我想繼續寫埋落去, 我相信有心做既朋友唔會俾我寫既野嚇到, 考慮入行既朋友亦都可以多一個參考, 就係咁簡單 (不過佢地仲要繼續捍衛佢地自己既信念, 可能我寫一篇生存筆記, 講到做保險搵過百萬年薪, 飛黃騰達佢地先會開心) 


錯誤觀念四
保險經理重視人才?


大家可能會覺得經理要靠大家升職搵食, 點會唔重視人才呀? 我自己親眼見過一條team, 四個MDRT都同個manager反左面, 最後兩個unit out, 兩個走左, 講出黎都無人信

我仲親耳聽過有個高級經理同我講, 我而家條team有人有數, 就算走咁一兩個都係下面d manager仔驚者, 邊個唔妥我咪炒邊個羅 (我心諗, 意氣風發果然唔同d)

試過有一次, 有個downline想走, 個upline manager仔梗係好驚啦, 搵個高級經理商量, 點知個經理同佢講, 你唔駛理佢架,由佢玩野啦, 佢唔會走架, 只係大下你之嘛, 就算走左你都有著數, 佢d佣會跌落你度, d 孤兒單會俾晒你跟,於是個manager仔真係好聽話, 結果佢條team一下走左三件, 佢真係求仁得仁咯

我想同大家講, 絕大部份既高級經理, 特別係唔駛做過百萬年薪個d, 佢地根本唔會care你生死, 佢地要既唔係人才, 係聽話既奴才,如果你對條team既system有意見, 佢地會封殺你, 驚你好似傳染病咁傳開去, 我試過有個經理成日疑神疑鬼, 驚有心人攪散佢條team(對佢system有意見的人), 成日拉埋幾個心腹相討對策 (我不幸係其中一個) 睇下點樣可以整佢地, 仲叫我出d陰招去幫佢(無言......)

我心諗, 你做到咁高位, 唔係應該花多d精神諗下點樣攪好條team既咩? 結果由上年開始佢條team數開始仆直, 今年仲衰過上年.....

其實對於一個經理黎講 (我自己都係), 真係可以話係有呼吸都請, 無他既, 你只要唔拎底薪, 入到黎唔駛對數, 我話之你做唔做得掂丫,你做多與少我損失唔大, 你好數既我咪鍚你多d羅, 你無咩數走既, 我都可以執下你d佣同孤兒單, 完全無損失, 最緊要係自己條數夠,保住個manager tiltle, 所以我眼見有d經理請左人番黎之後可以唔係點理d新人, 因為花時間係你身上等於自己少左時間做數, 當然都有d好既, 好既有幾好就費事講, 想知既就問個幾個衛道之仕啦

對於公司黎講, 年年都有人走有人入架啦, 根本係好平常既事, 每年平均入1000個走800個, 所以admin對sales既態度都唔係太好,大家唔好以為一定好似出面d sales咁, 可以係公司大晒或者備受尊重, 反而你留低既孤兒單先係公司真正資產, 因為走既反正都係唔掂,咪將d有質素既孤兒單俾d掂既sales做多d數好過 (公司有個派孤兒單既system)

我亦都見過有人連續五年200,000 quote數都無, 都唔駛炒, 原因好簡單, 佢地聽話唔攪事(係高級經理眼中), 養多個又唔駛自己錢,咪年年出信保你羅, 相反唔聽話既, 咪野野用terminate黎大你羅, 如果你下面有番兩、三個人仲正,terminate走你就可以食埋你下面d人, 因為係保險公司裏面, direct downline 同indirectdownline個override佣可以差好遠, 就係咁簡單, 咁當然梗有好架啦, 想知好既一面我不厭其煩提醒大家可以搵d衛道之仕問下, 佢地一定講到個upline當你係自己親生仔女咁鍚

今日唔寫住, 無咩心機, 真心分享換來人生攻擊, 如果呢個forum係容納唔到真實既一面既話, 我會考慮搬竇, 各位有緣再見喇 
 
我真係好鐘意"一個都不能少"網友既一句"真理係愈辯愈明", 對於我俾人勁插, 大家有眼睇, 佢地既動機係咩, 大家心裏有數, 我強調我係要寫不為人知既一面,一d保險公司同保險經理都唔會對你講既真話, 但就俾人屈左我寫負面野, 又話負面野應該係如洗黑錢呀、cut單個d......呢d我都知,但唔係我想寫既野嘛, 如果我寫既真相, 會影響行家日後請人 (佢地睇得即係話佢地d準candidate都有機會上黎睇啦), 我萬分抱歉,但唔代表真相會消失 (不過我都中左佢地招, 係佢地問我係咪仲做緊定已經離職, 一回就俾人狂插自己係失敗者,又話想逃避失敗, 我番睇過自己文章幾次, 真係唔覺自己點逃避喎, 我寫真相者, 關逃避咩事 ? 況且我又唔係要大家有咩著數益我,只不過係我睇完K.F.個本銀行書, 覺得寫D事實出黎可以俾大家參考下, 有樣學樣者, 佢地既指控我真係"R"頭, 咁如果我唔走,佢地既指控係咪唔成立呢? 咁我同大家講我唔走羅, 我係呢行瀨死, 哈哈!)
我有諗過, 可能我topic改一改, 叫保險公司同保險經理之 - 不能說的秘密 rather than 保險經紀之 - 死亡筆記, 會好d, 但應該都無用, 因為有心人發覺我寫既野同佢地利益立場有衝突, 所以咪攻擊羅, anyway, 多謝大家既支持, 我水都吹到差唔多, 不如入正題啦~ 頭先見到有網友問cold call好唔好做, 有問call centerd野, 我靈機一觸, 不如就寫呢個啦.....


錯誤觀念五
做保險一定要sell親戚朋友先做到? 
以及cold call之謎 ! (自己打cold call與call center之間既分別)


呢個又係勁惹爭議既topic, 不過我已經準備左副棺材俾自己......哈 !
好多人都話做保險係斷六親既行業, 老實講, 睇你用咩角度睇啦, 做warm call, sell既唔係plan, 而係人情、關係, 好簡單, 如果你入行, 連屋企及女朋友 / 老婆都唔撐你, 自己係咪要三思呢 ? 

咁當然我見好多同事同我講, 入行前身邊個個都話力撐, 入行後全部都曉火影忍者個招隱身術, 呢d我真係幫你唔到, 你試諗下,你最唔願意收到既係咩電話, 咪就係十九幾年唔搵你一次, 一搵你同你講轉左行做緊保險 / 傳銷個d人羅 (最狗係電話唔講,fake左你出黎見面先講) 仲要好似入左行之後成個人洗心革面左, 話自己同之前唔同晒, 咩個d理解人生的意義呀, 又話自己好想幫人呀個d(平時做善事捐錢又唔見咁踴躍) 大家會覺得點? 

人緣好d既, 咪可能十個有四、五個中羅, 返到公司你upline咪會讚你 "真係叻勒, 你又幫到人喇" , 人緣唔係咁好既,佢咪捉你入房再操過你d skills羅, 當然, 我第一張單都係搵我老死買, 我只係同佢講一句, 呢張基金單可以幫你儲錢,我只係想你做我第一個客, 佢就即簽 (當然梗係only佢一個係咁啦)

講番正題, 點解d upline manager成日會叫你sell 親戚朋友呢? 仲要你入職個陣佢地會俾張野你填 (客戶資料),再叫你打星星分類, 最多星個d sell左先, 如此類推, 無他既, 因為初初入行既新仔, 經驗唔夠, 如果做cold call,同送死無分別 (我一年內見超過一百個cold call, 有時有d真係高手黎架, d objection好勁) 做natural咪最易羅,經理又無可能隻隻陪你見, 斷估你阿媽幫你買單唔會逐個item問掛, 你朋友唔會野野挑你機掛 (挑機個d唔係你既朋友, 係敵人) 

你有單開, manager個心都定d (特別係有finance個d) 再加上公司個d咩新人獎呀, 新入職bonus同埋新入職獎賞旅行個d多數都係要半年內達標, 如果唔做natural真係好難可以meet到晒d獎或獎金

就係因為公司 (新入職training已經洗腦式暗地裏motivate你做natural 再加上頭先講既獎 / 獎金system) 同經理(驚你做唔掂, 或者太少佢無著數) 係咁迫d新同事sell親戚朋友, 所以先令大家有呢個誤解, 覺得做呢行一定係要斷六親,或sell自己network先搵到食 (佢地d正面野我唔講啦, 咩心魔呀個d, 我以前教training個陣都日日講, 有興趣想知既朋友可以問番個班衛道之仕) 同埋我發覺有好多做warm call既經理都容納唔到其他既方法, 佢地只係盲目咁相信只有warm call先可以做到, 其實係咪佢地唔識做cold call, 或者獨孤一味呢? 大家自己諗下啦


但我可以同大家講, 呢個觀念係錯既, 呢個世界唔係剩係得warm call架嘛, 如果你有決心, 做cold call 一定掂 (補充多句,費事俾人插, 有決心做warm call都掂, 不過要睇下你自己願唔願意俾熟人reject, 我見到有d新仔勁hurt)

咁到底cold call係點做呢?
COLD CALL即係你唔識既人, 多數既方法有打電話約客啦 (但係無NAME LIST俾你), 
落街做問卷調查啦 (富X女成日係旺角騎劫電車男個D)
係商場或街擺檔啦 (好聽D叫ROAD SHOW, 但係要自己夾錢, 盛惠三百大元一位, 租場、租車、租BANNER、TABLE、CHAIR等, 仲要自己搬野)
用MPF掃鋪或者寫字樓 (都係做問卷調查, 不過呢次係MPF)
用GROUP MEDICAL掃寫字樓D中小企 (多數都唔采你)
或者有D係教會OR其他會度做生意 (但勁多AGENT已經侵略左, 有晒地盤)
我自己則係用CALL CENTER買CALL既, 盛惠三百大元一隻 (其實都幾貴)

以上既方法無話邊樣特別好, 我只可以話每樣方法都總有人可以成功, 亦都有人會唔適合, 同埋好睇你條team既culture

咁當然, 話得cold call, d客梗係勁cold啦 (佢warm你都驚), 不過全部都係大數法則, 總之量多先有返, 就係咁簡單

咁最後, 我梗係要講下自己打call同買call既分別啦, 呢個係親身經驗 (我預左又有人話我失敗, 但我總無可能昆大家話打coldcall約10隻出10隻, 仲隻隻都好nice當你契仔咁, 咩都唔駛sell就簽單架),因為我係其他post度見到有d人好不負責任咁叫人打cold call (佢應該自己未打過)

一般黎講, 我當你一日打三百個cold call (已經唔算多, 我試過六百個, 如果出面d call center有 autodailing應該可以一千個一日), 因為你無name list, 個list要係excel度自己print (呢d先叫coldcall嘛), 三百個call入面, 成功接通唔會多過五十個, 而一聽你講話做問卷調查 / 保險公司 / 優惠 / 強積金 / 理財分析 或其他方法等, 有一半機會即刻cut線 (未計爆粗個d), 通常可以俾你傾得耐, 而又嘗試約佢出黎既機會, 通常係3至5個度啦(300個call入面), 我自己試過300個call約到3個, 亦都試過打左成1000個都死晒, 呢d野有時好講運,我試過請專人幫我打call, 打左2000幾個先約到一個 

不過約到都唔好開心住, 因為呢個世界有樣野叫做放飛機, 通常飛機率都唔低, 10個通常出到一半, 即5隻已經好勁
我自己統計過三個月內約左15隻, 出5隻最後簽3隻 (全部one-time closing), 金融海嘨之下係咁上下 (呢個位預左又俾人插我失敗) 當然搵食梗係唔多夠啦

而call center買call又點計呀? 佢既最大好處係慳左你既time cost, 你可以專心見客 (每日打300 - 600call,打完之後都無咩力見客), 我以前接cold call個陣, 通常一日接4-5隻都係出1-2隻, 拉埋一個月平均見15-20隻度啦,都要成5000-6000成本一個月, 咁當然啦, 值唔值見人見智, 我試過有個客百幾萬lump sum幫我買基金, 起碼我親戚朋友無呢d先丫
我計過理論上, 300蚊一隻, 你見12隻內簽到1隻年供12000既即回本 (當3成佣金), 我自己平均10隻簽3-4隻度啦

最後我要提一提大家, 做cold call千祈唔好當warm call咁做, 你只有一次機會見佢, 簽到攪掂, 簽唔到followup好難再約出黎, 傳統既見3次做法唔係太適用 (我自己習慣sell到個客接近發"難渣"先放佢走, 俾左錢架嘛, 又唔係natural,唔驚佢唱我丫嘛)

仲有, 買call記住小心d, 有d call center好狗, 收左錢就搵唔到人 (因為通常要prepay左先)

今次寫住咁多先, 下次再寫其他野, 希望幫到想知既人了解多d啦 (唔知算唔算負面, 但呢d係事實)

有人問我有無d特別經歷可以講下 (咦, 點解咁似銀行interview既問題既?!)
我入左行兩年, 唔多唔少都見左超過 100 過cold call, 應該有百幾, 未計natural (親戚朋友),之前唔重點提係因為覺得natural真係好易做, 再加上保險公司大把natural既training, 所以唔多提 (如果有朋友真係好想知,就話俾我聽, 我可以寫番篇關於natural點做, 係真係有技巧,唔係昆人個d), 至於關於客人篇, 大家放心, 如果真係要講有好多,但係講客人之前, 大家係咪諗下要理解下d product先呢 (唔理解好易俾人搵笨架嘛), 反正我上一篇都爆到咁盡, 唔爭在啦.....

錯誤觀念六
理財策劃師 / 財務策劃師 = 保險 = 專業 ?

我相信呢樣野好多朋友都聽過, 近年好多保險公司將自己重新包裝, 打造成一個超專業既形象,佢地最常見既手法就係同d大學生講, 呢個行業唔係保險咁簡單, 而係一個理財策劃既行業, 你主要係幫個客人做理財服務,就好似係一個財務醫生幫病人睇症咁, 不過睇既唔係身體健康, 而係財務上既健康........

唔.....concept上好正確, 聽落都好似好pro.咁, 跟住再加上d洗腦式recuritment talk同埋保險經理講d唔講d既利誘, 最常見咪A記個句,
 "左手伸一伸, 貴過你全身" (戴勞) 好多大學生就係咁俾人昆左入行 

當然未計佢地仲有另一招絕招, 有信仰既團隊, 多數都係基督徒團隊, 佢地recruit candidate個陣, 會同佢講, 我感應到神叫你做呢行, 入黎幫人係你既使命個d (我可以保證兼發誓係真人真事) 我真係有個同事同我講係神叫佢入黎 (暈.......又唔見神打救下我!) 有d再勁d既top sales (多數係MDRT) 同個客講神叫佢買單 (暈......我無信仰出唔到呢招) , 另外有d就同個客講, 話突然內心feel到有一陣感動, 覺得有需要搵你, 仲要簽單前同個客祈一野禱先, 問你死未 (個top sales真人真事係大家面前分享, 所以我知) 

好, 講番Financial Planning先, 其實有咩好plan呢? 咪又係保險同埋基金, 做我地呢行, 唔係sell保險就係基金架啦,佢地將呢兩樣野包裝成理財策劃, 又話人生有好多唔同需要, 事實上, 就算真係好多唔同需要都唔一定要用保險或基金去達成既者,仲有好多方法個bor (當然, 同你講其他方法既agent一定食得屎啦) 

事實上, 大家對財務策劃又理唔理解呢? 其實真正既財務策劃師起源於美國, 係一個好高尚及專業既行業 (就好似律師,會計師個d咁)咁點解黎到香港會變左質呢 ? 好簡單, 就係因為錢既問題, 人地個邊玩醫藥分家既, 佢真係同你plan, 但唔sell,佢地出名個d唔駛玩佣金制, 係收service charge (個名都型d) 即係話同你起份plan已經要收錢, 所以佢會俾d好闊既建議你(唔係見你錢多就買基金or保險當遺產留俾後人架, 呢個世界有樣野叫信託基金) 佢可能會叫你買唔同既product, 有時可能直情叫你唔好買,因為
真正既financial planning係要叫個客人減左債先, 但香港個d會叫客人借錢買保險

呀~講左咁耐, 都未同大家解釋咩叫財務策劃, 我諗大家真係會有好大既誤解, 成日以為保險公司=財務策劃, 其實呢幾年真係俾佢地濫用晒, 真正既financial planning最主要分六大個範疇, 分別係支出、稅務、保險、投資、退休及遺產,老實講保險只係其中之一, 但保險公司就將佢演繹到好似係全部咁, 問心個句, 有邊個agent出到黎會關心你既支出,同你計一計有咩開支可以cut, 同你計一計點樣避下稅, 或者幫你安排下遺產, 寫下平安紙咁, 其實係保險公司裏面有幾多個真係CFP(Certificated Financial Planner / 財務策劃師)丫, 據我所知, 香港既會員中, 有一半係銀行從業員(因為銀行強迫d只工要考), 其他係會計師 (CPA), 保險公司既人佔極少數, 無他既, 個title唔值錢嘛,個客又唔會因為你係CFP幫襯你, 另一個原因係銀行多數係大學生, 考CFP會易D (佢地讀慣書), 係保險公司既大學生始終唔係佔主力人數,連CFP個會既主席都係CPA黎既, 因為會計對CFP既應用多過我地保險

其實考左CFP掛左牌係咪真係等於專業呢? 係呢度我又要講故仔喇, 話說上年08年8月尾我扮客去見A記D AGENT, 想睇下佢點SELLAA單, 點知遇到個 0靚仔, 佢梗係唔夠我講啦, 俾我問到口啞啞, 點知佢又再約我多一次, 今次佢帶左佢件UPLINE出黎(係District Manager, 有30幾人跟佢, 仲要係CFP), 諗住佢有d料啦, 點知真係shit左出黎,一味同我講話要幫佢公司買, 因為佢地多基金, 仲要AIG係全球最大, 又話自己係CFP會幫我睇住D基金, 仲話自己大把客, 個個成球野咁幫佢買, 又話一定賺到錢個D咁既說話, 我俾objection佢, 佢就一味剩係識得打斷我猛話"no, no, no, 唔係咁,你聽我講左先" 

我咪寸佢話AIG大又點, 唔俾執架, 無現金流上市公司都可以即刻執, 佢話咁大間公司邊會有事, 結果9月大家知發生咩事啦......哈 ! 成個過程佢咩分析都無做過, 拎住張基金fact sheet猛話賺幾多幾多 (諗住恰我唔識), 又唔講係30年期plan (好出名既AA單, 買左既朋友唔駛喊, 我明你感受, 佢地真係一d都唔提30年期同提取費,怪就怪自己遇人不熟, 俾身邊D朋友唔熟唔食,  咩A、B戶口個D全部係廢話, 有興趣既朋友可以問我, 我會幫你拆解佢地昆人既話術)

所以大家以後唔好以為有牌就係專業, 專唔專業睇個人, 而唔係title (當然都唔係睇公司啦,但公司既culture會影響agent架嘛)當然, 真心說話, 我地呢行要專業真係好難, 我做左咁耐, 真係有少少 專業=無飯開 既感覺,唔怕話埋俾大家聽, 通常保險公司dplan有一個好大既特性, 就係對agent愈好既plan對客愈衰 (即係高佣plan),對客愈好既plan, 對agent就唔好(勁少佣), 所以基本上, 大家想知自己份plan好唔好, 一般黎講個佣會話到俾你知(agent講唔講一回事),聰明既朋友即刻會記得我第一篇文章打過既佣金表......

無錯 ! 人壽基金plan係最 "吊" 的 ! (我爆料爆到豁左出去了......汗...), 想知點解, 我下一篇文章幫你慢慢拆解,傳統人壽儲蓄單, 年期愈長愈
"吊"! (完全唔抵!!!), 基金單3成算ok啦 (都要俾我開飯架大佬......張張單都少佣真係食屎架喇),有d年金單簡直係超筍 (對客黎講),可憐既我佣金只得7%, 記住係7%, 唔係70%,亦都唔係7成.....(嗚....做牛做馬收既佣少到好似乞衣咁), 算喇, 都係唔好爆太多,費事橫屍街頭.....

下篇我應該會拆解下d plan俾大家知, 不過如果大家仲有d咩特別野想知就話俾我聽啦, 可以激發我寫多d野, 今次係咁先, 拜   


(p.s. 多謝大家既留言, d牛鬼蛇神嚇到唔敢再出黎啦, 真係人生有幾多個10年, 大家反啦!反啦!將佢地d衰野 (真相) 寫晒出黎) 

錯誤觀念七
有儲蓄成份既保險一定唔好 ? / 有儲蓄成份既保險一定好 ?

呢個topic勁複雜, 我以前教training個陣, 都有塊白版俾我畫下圖, 咁d新agent都可以容易d理解, 呢次要純文字去解釋, 確有d難度, 我盡力而為啦.....

我相信呢個爭論大家一定聽過, 阿媽話買保險梗係買純保險 (無儲蓄成份) 啦, 平d嘛, 轉過頭阿爸又話梗係買有儲蓄成份架啦, 當儲多個錢, 有咩事可以拎番d錢......呢d位真係公說公有理, 婆說婆有理, 咁實情係點呢?

其實兩個都岩!!! (即刻俾人噓....) 唔係, 聽埋我解釋先啦, 就好似炒股票咁, 你識炒, 牛熊證可以係你既恩物, 你亂炒, 牛熊證可以令你輸錢, 其實真係在乎你點用, 咁當然啦, 如果你自己唔識, 淨係聽個agent講, 如佢又昆你, 咁你咪上當羅

就又最常見既講起先, 話明保險, 梗係講左人壽保險先啦, 一般黎講我地主力可以分左兩大類先, 分別係人壽基金同埋傳統儲蓄紅利保單(傳統單) , 兩者到底有咩分別呢 ? 如果我同你講個分別係,一個係投資另一個唔係, 我相信會俾人打.....
但好多agent係sell個客個陣, 真係淨係咁講架咋, 唔通同你講真話咩 (係我先咁傻)

人壽基金, 唔知你地發唔發覺佢最唔同傳統單既分別係咩呢 ? 首先, 人壽基金收既保費一般較平 (係咪唔知呢) , 點解呢 ?我以前sell客個陣, 我會同個客講, 唔.....因為張單係投資係基金, 回報係由你自己決定, 唔同傳統單由佢地派紅利take左個投資風險,所以會平好多 (呢個解釋係咪可以好完美咁昆到個客呢, 聽落簡直合情合理, 實情就梗係唔係咁啦 !!!)

好, 黎個真正答案, 真正原因係因為張單要供100年 (或者叫供終身, 總之供到你100歲), 大家唔好嚇親, 因為多數dagent會同你講供10年 or 20年就唔駛供 or 可以停供 (擺明係大話, 事實係佢地都唔知), 何解呢, 因為呢d人壽基金單,佢地份plan既結構係非常複雜, 佢入面有一個hidden cost係張單完全唔會show出黎 (sales leaflet都無),就係人壽成本喇, 佢呢類單個 cost of insurance (簡稱COI), 係行terms既 (即係定期人壽), 你會話咩話 ?!係咪"R"晒頭唔知我講咩呢 ?

其實每一張單, 佢裏面都會有一個人壽成本 (COI), 呢個係唔會show出黎既, 收費表都唔會有, 再醒既人, 只要唔係行家都一定會中招,而正常你買一張定期人壽 (我地叫terms), 佢因為無現金價值係入面, 所以你會發覺佢既cost係跟你年齡計既, 後生個陣超平, 但老個陣(60歲後) 開始超貴, 而呢個terms 既 COI 放左落張人壽基金度, 仲要保費收勁平, 咁會有咩事發生呢 ? 

e.g. 一個 25 age, non-smoke, 買 1m 既人壽基金, 佢既保費最平可以500度啦 (超現實價錢, 傳統單起碼千幾),然後我假設agent同佢講供20年唔駛供, 咁有咩事發生呢 ? 當20年後佢停供, 佢既投資由原本既月供變左一舊lump sum(仲要舊錢唔大, 因為之前保費太平), 如果佢唔理, 一個浪埋黎可能會蝕好多, 此外, 就算佢停供左, 唔代表唔駛供,只不過係佢基金戶口度扣, 再加上COI一齊扣, 理論上, 佢張單好快會唔夠扣, 應該會係60 - 70歲左右成張單既現金價值扣到變零,然後自動斷單 (係咪好陰呢)

即係話, 你原本想買張人壽基金, 想有保障兼投資咁, 點之到你老個陣成張單隨時斷埋, 渣到無, 而當年sell你個agent都香左九年啦,你都唔知搵邊個追lu..... (呢個情況只要你張單收既保費勁平, 供既年期唔夠長, 投資回報唔夠理想, 就會發生, 當然如果你話你供一世,咁斷既機會就微好多)

點解呢d單會咁陰呢, 因為連個agent都答唔到你要供幾多年先安全, 佢都係拍機 (出proposal system) 睇到你供左20年之後,如果做9%回報, 可以run到終身現金價值唔變零, 所以咁同你講之嘛, 但你既回報係咪真係做到9%, 邊個包生仔喎,仲有你停供左之後都仲做到9%就仲難 (玩開基金朋友都知點解)

我見到有好多同事, 佢地習慣鐘意將所有保險一plan過賣, 好似賣M記餐咁, 咩都有, 頭先都講過, 人壽基金有機會係你老個陣斷單,如果下面仲加其他riders (附加保障, 如危疾, 醫療, 住院, 意外等等), 好易一鑊熟, 即係話主plan一死,所有riders跟住斷......(不過到時你都成70-80歲人, 都無咩力投訴啦, 仲要咁多年, 多數都死無對証架喇) 

我知呢part好難明, 皆因我無圖解釋俾大家知, 再加上砌plan其實真係一件好複雜既事, 好考agent既功力, 有太多組合, 太多玩法, 所以比較難明

咁當然啦, 我仲未拆穿佢地既昆人手法, 通常d 人壽基金plan本身都有收費, 我記得係第一年收100%, 第二年收40%, 第三年至九年收10%, 以後收5% (全部按你供既錢計), 佢地多數會同個客講, 頭先個d收費就係份plan既人壽成本喇,好平架咋, 我當你1m, 頭先個d加埋都係 20,000幾蚊, 你用20,000幾蚊成本換1m既野喎, 係咪好底呢,其餘投資個d全部係你既錢黎架...... 就係咁, 一條水魚落搭, 實情係, 頭先所講既收費只係agent佣金同admin fee,COI係唔計的

最最最狗既AGENT, 恰有D客唔識, 人地想買基金, 佢就屈人買人壽基金 (話呢份係純基金), 梗係啦, 人壽基金57%佣, 101單得30%, 如果個客唔識, 你會SELL咩呢 ? 自己諗下啦~

(當然人壽基金單都有佢既優點, 例如可以隨時停供呀, 隨時拎錢呀, 起初勁平保費等, 唔講太多, 問番你自己agent, 佢一定會將所有好野話晒俾你聽, 仲要勁detail個隻)

至於傳統單, 大家放心, 佢唔會有呢個問題, 佢真係有一個年期俾你既, 只要你供足佢規定既年期, 就真係供完,而份計劃既現金價值有分保證及紅利, 保證就真係保證 (雖然我見過 new x life 有份單佢下面有一條好細既條款,寫住保證現金價值basic on 市場利率, 咁咪即係唔保證羅, shit !!! 邊有人將一樣保證既野basic on一樣唔保證既野度架),紅利就真係公司會派, 大家放心, 最多係零絕對唔會係負 (又係new x life, 03年紅利派1蚊, 你不如唔好派啦), 咁我之前都話過,呢類單保費會貴d, 因為佢 COI 唔係行terms

咁當然, 我提過, 呢類單年期愈長佣金愈勁, 咁d agent會出咩招呢? 佢地通常會同個客講, 份單係30年, 但供10年 or 15年or 20年唔駛供, 因為可以用紅利供單 (世紀謊話, 因為有好多公司紅利派唔足, 例如割胃 同 富x, 佢地既紅利單長期派唔到,割胃只派到預期既三份一, 富x仲衰, 供20年都仲未breakeven), 咁點解佢地要個客買張30年期單呢, 有20年, 15年,10年佢地唔賣 ? 佢地會話30年單保費平d, 你供20年停供, 之後用紅利供, 咪抵過你買張20年期個羅 (事實係唔係咁, 大家自己諗下啦)所以我既結論係傳統單年期短d會好d, 我計過連回報都高d, breakeven既年期都短d, 我都唔明, 係精算師計既,最抵既人壽紅利plan梗係一舊過買斷個d啦, 3-4年回本, 最快 (但最貴)

賣紅利單有樣野好, 包個客唔會輸錢, 就算紅利派唔到又可以賴公司, d佣都唔差過人壽基金, 所以都係agent既另一選擇, 所以你一話儲錢, 佢地就會整d 人壽基金或傳統單你嘆, 年期仲鬼死咁長, 就係咁解

其實如果真係要講, 可以好複雜, 但算了, 費事整混亂大家, 大家消化下先, 唔明再問, 我可以重點再解

之後講番純保險, 呢個易好多, 咪一個固定年期既固定保費羅, 你後生既話保費勁平, 平過有saving成份好多,但有d人覺得d錢好似落左鹹水海咁, 唔claim就無 (claim左你都無架啦, 你返黎拎錢我就驚喇), 或者當年期一完, 無野拎得番,但你保費真係平好多喎 (後生個陣), 老左唔建議你買terms, 勁唔抵

咁大家可能會問, 有無方法可以又平, 又快供完, , 而又有儲蓄成份既呢 ? 唔......kinder出奇蛋, 要我滿足你三個願望?
答案係有的.......就係你一出世就買羅 (都要出世30日後先買得), 公司當你1歲, 供到10歲唔駛供, 又可以保終身, 又有現金價值, 仲要勁平.....(唔好噓我, 我都話我講事實咯, 要怨就怨你阿媽點解細個唔幫你買定, 咁你今日咪唔駛買羅)

因為product既野可以好複雜, 我只係集中火力寫呃人技巧, 大家自己慢慢參詳下啦, 下篇我寫下d "特別"既客啦 

上一篇寫左關於人壽基金同埋傳統單既特色 (特色呢個字眼係咪好正面呢?) 其實我唔係大家想像之中咁負面架, 聰明既朋友應該知道點樣利用呢d plan既特色, 好簡單,如果你想買定期人壽, 又想投資基金, 買人壽基金咪勁抵羅, 只要你係60歲前cut單, 你就可以享受到好平既人壽之餘仲可以玩下基金咁(我遇過一d好醒目既客真係咁玩), 至於傳統單, 其實你計過條數, 識買d年期短而又自己負擔到既, 都係好架, 定期人壽適合一D投資高手,慳多d現金自己投資好過, 至於有仔女既朋友, 睇完呢篇識點做啦, 梗係拿拿臨趁佢仲細幫佢買番份啦, 如果唔係佢第日大個怨你唔幫佢買呀~(呢番說話我真係真心話, 我唔會不負責任叫大家唔好買, 總之你要買得精明, 知道自己買緊咩, 要適合自己)

呢行狗係狗在d agent亂sell之嘛, 睇佣賣單個客咪多數會lost羅, 希望大家唔好睇左我之前既post就覺得呢行負面,以後唔想做或唔買保險, 呢個唔係我爆料既目的, 我只係想大家做一個醒目既買家者, 最好緊係可以避開d無良agent啦, 除左監管agent,其實教育客人關於保險既知識都好重要, 希望大家明白我晚晚捱更抵夜既苦心啦  
大家真係唔好抱住睇戲既心態黎睇, 我真係寫得好辛苦架, 之前個d有心人不停人身攻擊我係因為佢地驚者, 其實只要你行得正企得正, 唔好千人買單或者昆人入行, 根本咩都唔駛怕, 如果唔講真話, 到最後咪愈黎愈多誤解,我地呢行俾人既形象咪愈黎愈差羅, 真正係有心入行既人先會做得好, 或者係有心買單既客, 先至唔會有投訴 (你當我諗得理想啦,我始終唔覺得講事實會影響到, 反而你收收埋埋話者吹得太大d野, 先至個結果係最差既)

好, 發表完偉論, 又係要寫野既時間, 原本想寫多d關於基金投資既野, 但有網友話想知多d關於sell warm call點做, 咁不如又等我同大家分享下啦 

錯誤觀念八
做保險sell warm call 一定要呃客先sell到 ?


我發覺好多人係呢個forum都怨氣沖天, 無他既, 好多agent急功近利, 或者功力未夠, 咪要出狗招羅, 其實sell 保險(product) 只係一個最低既層次, sell野分三個層次 (唔單止保險, sell咩都係咁), 最低層次係sell product,呢個係好多新入行既agent犯既錯誤, 我稱之為解plan員, 即係話佢地剩係識解plan, 完全無諗過你既需要, 呢類sales銀行好多
第二個層次係sell 關係 (relationship), 人係感性既動物, 對件死物對得耐都有感情啦, 何況係人,有好多客係心甘情願幫個agent買, 就好似我老死咁, 佢係我第一個客, 佢同我講, 就算我呃佢, 份基金d錢輸晒都唔會怪我 (我當時超感動)
我見過有好多agent真係有好多朋友係心甘情願幫佢買 (唔係呃呃氹氹個d, 陣間再講), 最高境界係sell concept,即係俾一個買既理由佢, 通常個d叫sales idea或者講故仔, 大家要知道購物係一種衝動, 係一種唔理性既行為, 所以我地呢行有句格言係理性開case, 感性close case就係咁解 

希望大家唔好睇到呢度我仲未講衰野你地就好失望, 我而家係同大家分享緊sell野既知識, 係有用既 
講番先, 通常呃人既agent絕大部份都係停留係sell product既境界, 因為如果可以進階到sell 關係個d, 已經係高手之中既高手, 即係話我就算同你講個agent呃你, 你都未必信, 就算信, 你都會同我講你係心甘情願既 (問你死未)
至於sell concept既高手, 你更加係有充分既理由相信你買緊既野, 我講咩都好大機會聽唔入耳

所以大家就算覺得呢行昆人都好, 只係個sales道行未夠者 (講笑) 
講番正題, sell product大家見唔少, 通常佢地好長氣, 搏命解個plan, 無耐性既買家會覺得個agent好煩, 當然dplan多數都好複雜, 要好扼要咁講重點真係考個sales既功力, 但解plan俾natural聽絕大部份人都識, 呢個唔駛多講(連plan都解唔掂個d, 完全抵打啦)

重點想講係sell關係, 其實我都見過有心地善良既agent, 如果大家有玩過九型人格, 會知道咩叫2號仔同9號仔, 呢度唔多解釋,佢入行前已經好肯幫朋友, 佢d朋友入阮, 佢未做agent個陣已經有探開佢地, 買下果籃既習慣, 同埋佢性格溫和, 好多人都當佢係交心既對象,我見佢一入行, 佢d客自動搵佢買單, 仲話信佢唔會呃朋友, 佢同我講有個朋友真係咩都買晒, 佢都無野好sell, 但佢個朋友同佢講唔緊要,話只係想幫下佢, 買咩都無所謂, agent話買咩就買咩啦 (呢d真係佢做人咁多年積番黎既, 無既行家唔駛恨)

咁我都講番d我sell 關係既經歷先啦, 其實做得warm call, 個客某程度上對你有基本信任, 理論上唔會好似cold call咁挑機(之前講過, 挑機個d唔係你朋友, 而係你既敵人), 通常你會發現, sell 朋友個陣, 你花最多時間唔係sell, 亦唔係解plan,而係陪佢傾計, 你試諗下, 佢地出黎打工點會唔受氣丫, 同事又唔呻得 (好易俾人篤背脊), 屋企人又未必想聽, 身為朋友既你,自然會成為佢地傾心事既對象, 呢個位唔係叫你呃佢, 而係你要用心聆聽(你唔駛俾意見, 不停認同得架喇), 好多人, 其實都只不過想搵人聽佢講野, 呻下之嘛, 你俾佢呻番你三、五、七個鐘(我個次好似有5-6個鐘度), 之後佢順左條氣, 你再簡略重點式解plan (連解連簽半粒鐘度啦), 最緊要唔好sell到好鬼,亦唔好存心呃人 (我唔明點解有d人朋友都呃得落手, 唔驚以後無朋友做咩), 好快可以簽單, 就算佢今次唔簽, 你俾佢呻多你幾次,梗有一次會俾你攪掂 

當然, 無良agent都可以聽完之後呃個客, 我諗warm call呃人既方法, 呢度有好多朋友都係已經俾個d老千well train左,我夠膽講如果開多個post, 叫大家一齊貢獻下d sales既呃人方法, 大家隨時都寫到十個八個出黎, 所以我唔駛寫啦(不過我下一篇寫基金我會爆最常見既呃人方法, 大家放心)

至於最高境界sell concept, 呢個係最難, 多數用係個natural出objection或者死拖難拖唔肯買個陣, salesidea真係有好多, 但你要講得中一個可以hit中佢既心就好難, (好似超級巨聲咁, 你唱歌唱到聽眾都好有feel, 陪你喊, 你估咁易架)
講故仔呢家野要講天份, 同埋你個人夠唔夠感性, 太理性係唔得既 (有好多sales剩係識理性分析, 無用架, 愈理性討論愈唔會買) 

有行家可能會覺得, 你講個d野係人都知啦, 呢d係基本功, 係大方向既野, 如果連基本野都攪唔掂, 好難進軍d高階野
有兩本書可以俾行家參考下, 有助你sell natural既, 一本係人性的弱點, 另一本係冷讀術, 大家多多鑽研下啦

講完d咁宏觀既野, 梗係要講番d實際既sell skill啦, 通常agent會用既不外乎幾招, 其中一招咪叫RDRC, 即係RELAX,DISTRUB, RELAX, CLOSING, 一開波見面梗係要大家RELAX下先, 多數係RELAX時段, 都係探下個客既口風,例如有無投資呀, 工作穩唔穩定呀咁, 如果係醒既AGENT, 其實係傾計既時候已經摸左個客好多料, 跟住第二步就係DISTRUB,即係話突然間好不經意咁將個話題帶去保險度, 呢個位好重要, 技巧唔好既SALES會俾人覺得反感, 覺得佢終於露出狐狸尾巴,跟住就會勁俾OBJECTION你, 如果俾你好有技巧咁帶到保險話題, 你就要俾一個購買需要佢

例如係女性既話, 梗係FOCUS係安全感啦, 全世界最儲得錢既係咩人? 之唔係女人羅, 女人係好需要安全感既動物,你要同佢講多D靠男人既壞處, 例如某某包二奶, 或者離左婚無人無物, 最緊要係無錢傍身, 生活好徬徨呀個D咁, 佢梗係問你點算啦, 咪買基金/ 傳統單羅 (達成目的), 之後唔好咁急簽單, 反而講下反話, 好言相勸話佢諗多左 (呢個就係下一個RELAX喇), 到最後佢愈黎愈不安,最後簽單 (即臨尾個腳, CLOSING), 當然簽單個陣梗係唔好白痴咁問個客係咪買啦, 你只需要FEEL到佢有衝動個下,好自然咁拎份FORM出黎, 同佢講話好多朋友都好似佢咁架, 跟住猛咁填資料 (呢個位佢講咩都老虎唔好回應), 份FORM填到咁上下,問佢想用咩過數會方便D, 當然, 如果你想條數大D, 你夠薑既話, 係你收左佢張CREDIT CARD之後你可以再SELL多佢一野,試下SELL大D個銀碼 (CARD都係你手上, 仲有得走嗎?), 之後填晒FORM先叫佢一野簽晒所有FORM, 最好簽左之後,同佢講呢D係私己錢, 記住唔好俾老公或屋企人或朋友知, 咁你俾人斷單既機會就細好多 (補充, 大家可能會問, 如果你DISTRUB完佢之後,RELAX期間佢突然間清醒左, 勁俾OBJECTION咁點算呀, 咁你咪再DISTRUB佢羅, 之後又RELAX佢羅, 總之要兇佢,兇完再MO (MOTIVATE) 佢, MO完又兇, 兇完再MO, 不停循環直至佢簽為止)

其實成個過程最重要既技巧就係你控制既節奏, 每一個位都要過得好順, 氣氛要係一個良好既環境底下進行, 成功率就會大好多, 當然頭先講既只係其中一個例子 (COLD CALL唔駛咁煩, 明買明賣, 一野SELL落去就OK)

其實講黎講去, 咪又係人性的弱點本書裏面講既自重感, 只要你俾到自重感你個朋友, 佢就會好自然對你有好感或認同你, 就係咁簡單

咁當然, SELL SKILL既野可以好廣泛, 無一本天書用到老, 有好多方法, 想UPGRADE下自己SELLSKILL既我建議學下九型人格同埋MBTI, 呢D心理學既知識, 係你SELL 客個陣, 即係打緊心理戰個陣, 可以掌握到主動權,企係有利位置, 勝算點都高D

做NATURAL我之所以話易, 係因為你對該朋友已經有一定既認識, 你知佢性格, 自然會判斷到講咩佢先會BUY, COLD CALL難就難在初次見面, 你要係極短時間內掌握個客既性格真係好講經驗

記住, D客買野係需要理由, 睇下你可唔可以刺激到佢個下衝動 (需要), 我頭先講個D方法未必係最好, 但我自己覺得幾有效, 當然,我成個過程都無呃過個客D咩, 根本唔需要用幾多幾多回報, 講到隻基金天下無敵, 或者自己係呢行做左幾耐幾耐, 搵幾多幾多錢等去氹個客買

我自問陪朋友傾計, 俾佢呻下唔算呃丫, 俾個理由佢買, 刺激下佢購買意欲, 講下D感人故事感動下佢, 都唔算昆人者, 我自問每次賣基金單都一定講收費, 賣傳統紅利單都係賣3年或5年居多 (所以D佣咪少羅)

我相信要令個朋友買單, 可以有好多方法, 唔駛下下要昆人先賣到, 我第一個客, 即係我老死, 我同佢講話我第一個客呢個位係留番俾佢,對我黎講佢就係我兄弟, 我想佢支持我, 就係呢句說話, 滿足左佢既自重感 (第一個客佢覺得好有意義), 佢就幫我買, 但我真係無昆佢喎(我今次篇野唔知算唔算正面左, 我無改變立場既意欲, 但SELL SKILL既分享係咁上下, 我教新人TRAINING個陣都係咁講, 當然,REAL CASE既例子會多D)

今期唔知會唔會令大家失望, 只不過有網友話想我分享下, 所以我就寫出黎, 呢D都係真實野, 希望大家唔好覺得悶
下一篇, 我想講下D基金先, 等大家多個認識, 市面上唔係剩係得AA單架, 仲有其他, 包括前期收費, 後期收費, 仲有LUMP SUM, 會同大家拆解點先算抵玩, 點買先精明, 仲有基金最常見昆人既方法係咩

好多謝大家留言既支持, 我相信呢度明白事理既朋友係好多既
我知道呢行有好多成功既故事, 我相信大家耳熟能詳, 所以我唔多講
其實自問做左保險兩年, 對於某些product或者公司既system都唔係太認同 (之前文章已經提過)
自己諗得好清楚, 就算搵到錢, 係咪真係可以繼續呢d生活呢? 自己真係想做得專業, 但佣金既利誘會令自己心底裏好掙扎,可能有好多過來人都會有呢d感觸或者矛盾, 就算明知自己係做一個sales, 都希望唔sell d太陰既product啦(好似accumlator咁, 有個阿婆輸左兩億個單野, 你話個阿婆貪心又好, 個兩個銀行sales賤都好,其實隻product本身已經係好陰濕, 我諗做sales無理由唔知, 都為左錢夾硬sell俾人, 但做人係咪真係要做到咁呢?)

自己好好彩, 本著良心賣單, 所以兩年來都無咩大鑊既投訴發生, 亦都唔想sell左d令人痛苦一生既單, 自己寫文章既時候, 回顧番以前d野, 真係有種點滴在心頭既滋味.....

好, 傷感完喇, 上一篇同大家講過, 會講下d基金咁, 既然係咁不如即刻開始啦....

錯誤觀念九
後期收費既基金單一定唔好?


係講呢樣野之前, 其實基金plan有好多種, 之前提過既人壽基金係其中一種, 另外就係101既基金同埋lump sum既基金
不如講左月供先啦, 大家通常會買呢d嘛, 月供基金有分兩種, 前期收費同埋後期收費, 我估大家通常見得最多既係後期收費既101 plan

咁到底前期收費同後期收費最主要分別係咩呢? 咪一個係前期(通常係頭十年)收晒你d費用, 另一個後期既意思唔係後期先收, 而係佢係一種合約式既plan, 即一個固定年期, 係呢個固定年期內, 如果你拎錢係會有提取費, 而家費用通常都幾甘下

如果你問下邊隻低d, 我可以答你, 如果你唔識玩, 兩隻都唔抵, 如果你識玩, 兩隻都可以好抵, 不如又等我同大家拆解下啦

前期收費101 plan, 呢隻plan同後期收費最主要分別就係彈性問題, 不如我都係舉例會好d
e.g. 25age, 月供1000, non-smoking
一開始, 通常前期plan第一年會收你75% (有d公司係100%), 即係咩呢 ? 佢會按你供既錢去收費, 75%即係話如果你供1000,一年咪12000 羅, 12000 x 75% = 9000, 即係第一年裏面, 你供左12000, 但有9000佢收左黎做費用 (唔駛下住,我知大家一定覺得好貴), 除番開, 即係你每個月供1000, 有750拎左去俾公司, 得250係投資

由第二年開始至第八年 (當然間間公司有唔同, 我知A記係特別貴d), 會收10%既費用, 即係話佢頭八年已經收左你145%費用,如果你月供1000, 頭八年佢收左你 17400 (12000 x 145%), 通常我一sell 呢d plan, 個客既反應就會珍奇到O嘴(俾個收費嚇親), 但佢既最大好處係唔會縳死 (第一年都收左你成本啦, agent 30%, 其餘45%公司既, 仲點會縳你喎)你由一開始供個陣已經可以隨時提取, 亦都可以隨時入錢, 亦都可以隨時停, 彈性係極高 (我之前多數賣呢隻, 但有好多agentovercome唔到第一年既收費, 即係話佢地sell唔到個客接受前期收費, 所以鐘意sell 後期多d)

咁當然啦, 佢收左你錢, 都會有回贈既, 通常係每五年一次回贈, 但都要成廿幾三十年先回贈番晒俾你, 表面上佢收過你既錢係會俾番晒你, 但你已經蝕左時間成本啦 (唔好忘記呢個世界係有通脹的)

我以前sell客個陣, 通常會有零機價手機回贈既例子去說服個客, 但問心個句, 有咩product係要回贈成二、三十年既先(手機都係一、兩年者), 通常賣得前期plan, 回本期比較長, 無4-5年都唔好諗住回到個本 (即你供既錢 = 投資戶口價值),以香港人咁短炒既心態, 最好即買即賺即拎錢走, 所以sell前期plan難度會大增 

我仲有一招, 就係同個客計成本, 當佢開個投資戶口玩終身咁sell, 同個客講, 你頭8年俾晒一生人既費用, 之後慢慢回贈番俾你,再假設你有80歲命, 你今年25歲, 距離80歲仲有55年, 將145%除番55, 你拉埋每年都只係2.6%者, 計埋回贈, 其實好抵架(sell呢d plan要帶個客睇遠d, sell終身投資戶口呢個concept)

咁當然啦, 回贈呢家野係要你唔好停供先有, 即係話如果你頭5年已經停左唔供, 回贈亦都無左 (多數agent都唔會提)
即係話你要拎番晒所有佢收過你既錢, 你未來二、三十年都唔好唔供羅

可能大家會覺得, 咁既plan都有既 ? 其實前期收費plan既投訴係比較少, 因為佢大大隻字寫明第一年收費, 你買得都預左俾佢收, 所以好難呃人

咁醒目既買家, 梗係會問我有無d更平既方法啦~ 唔.....答案係有既, 就係加top-up喇 (入錢額外投資), 通常呢d plan,佢有分basic同埋top-up, basic即係話你一開始既基本投資額, top-up就係你增加既額外投資額,好多agent都唔會教個客咁做 (我都唔會), 因為如果張張都係咁, 真係食得屎架, 又要舉例喇.....
e.g. 1000月供, 500 basic, 500 top-up (好多客都唔知其實一開始已經可以加top-up, 以為全部要擺晒係basic)
500 basic佢照收你75%, 但另外個500 top-up, 佢最多只收你5% (係咪差好遠呢)
我地公司最低basic可以做到300零蚊, 即係話另外個600幾蚊可以放晒係top-up, 我計過, 拉埋一年都只係收5% (係咪好筍呢 !)呢個方法係agent最唔想出現既, 但我計過係對客最好既方法 (唉....又一次, 對客好對agent唔好, 兩個只能活一個)

咁當然, 如果有d客好醒咁"提"我可以咁做, 我就會出絕招, 同個客講, 我仲有service俾你, 會每年同你review份單,又就晒你時間地點, 又.......(總之不停炸佢, 令到佢覺得要俾條生路我行) 但我都勸大家唔好做到咁盡, agent完全無佣食,就算簽左都唔理你張單啦 (食咁少佣, 隨時車錢都蝕埋)

講完前期收費, 就到戲肉啦, 就係後期收費喇~ 最主要後期plan, 佢地一開始收你個charges真係好少, 幾個%度,但呢d單就係因為收你個幾個%太少, 所以先至要縳年期嘛 (年期愈長, 提取費愈貴) 要留意通常呢d單有兩個價值, 一個係戶口價值,另一個係提取價值, 就算你戶口價值再大都好, 提取價值先係你拎得既錢, 咁通常呃人既agent咪唔俾提取價值你睇羅, 或者提都唔提,咁我又要同大家拆解下點解通常d agent會同個客講供三年就可以停呢個問題, 好簡單, 因為佢地收得你幾少收費, 如果你頭三年停供,保險公司連成本都cover唔到, 所以你一停供就會俾公司扣晒你所有戶口價值作為費用, 即係話渣都無, 咁當然, 個agent都唔會有咩著數,佢地都會俾公司扣番晒d佣, 如果你供超過兩年或三年停, 佢地就唔駛扣佣, 就係咁簡單 (呢樣野可能好多人都唔知)

咁大家可能會問, 後期plan係咪唔好呢 ? 咁又唔係, 最主要你想儲幾耐啦, 市面上真係有d短期plan, 5年或者8年供完, 呢d plan咪抵d羅, 縳你5年或者8年者, 咁你儲錢都唔會儲2、3年就唔儲掛.....
如果你真係有需要儲長時期既, 你可以考慮5年5年咁儲, 即係話期滿再開多份plan, 好似續期咁, 有咩事都唔駛咁痛苦, 你既彈性都高d (咁當然, 5年plan又係無肉食, 賣呢d plan個agent會好痛苦)

至於lump sum plan, 通常收費唔會太貴, 但同月供一樣, 都係有前期同後期之分, 但個額就大d, 要兩、三萬蚊先開到plan,個收費只係幾個%度, 前期唔會縳, 後期既會縳, 原理同月供101近似, 咁有d好大額既客, 其實可以用lump sum plan黎玩月供既,即係每個月俾張支票個agent幫你加top-up羅, 分開12個月或者幾年慢慢加, 效果同月供近似, 不過要大額好多咁解

通常賣得基金, d sales都會吹到d回報天下無敵, 實情係無人包生仔既, 蝕左唔該唔好賴agent, 成年人喇, 要對自己既投資負責任

今次講住咁多先, 希望幫到大家可以了解多d, 保險係雙面刃, 買得好可以好好, 買錯左可以好痛苦, 大家自己只要學多d, 識多d, 就可以自己做到判斷, 唔駛下下依賴個agent, 要記住只要有利益衝突, 真話往往好難會出現 
下次寫咩好呢, 仲諗咁, 大家又咩想知就話俾我聽啦 

其實搵客既野我可以分為兩大類 - COLD CALL同WARM CALL
WARM CALL即係親戚朋友啦, 朋友介紹個D叫REFERRAL
COLD CALL即係你唔識既人, 多數既方法有打電話約客啦 (但係無NAME LIST俾你), 
落街做問卷調查啦 (富X女成日係旺角騎劫電車男個D)
係商場或街擺檔啦 (好聽D叫ROAD SHOW, 但係要自己夾錢, 盛惠三百大元一位, 租場、租車、租BANNER、TABLE、CHAIR等, 仲要自己搬野)
用MPF掃鋪或者寫字樓 (都係做問卷調查, 不過呢次係MPF)
用GROUP MEDICAL掃寫字樓D中小企 (多數都唔采你)
或者有D係教會OR其他會度做生意 (但勁多AGENT已經侵略左, 有晒地盤)
我自己則係用CALL CENTER買CALL既, 盛惠三百大元一隻 

TOP-UP應該可以轉 (間間公司唔一樣) 最主要係你簽左野未, 最近簽左就麻煩D
如果未簽PACKAGE個份CONTRACT你仲有得揀

至於牌唔駛每件俾錢續, 但要每年上一個叫CPD既堂 (中文叫持續進修專業計劃咁上下啦)
每年要夠十分先可以續牌, 一堂WHOLE DAY既就有五分啦, 上兩堂咪有十分羅
公司搞個D唔駛錢, 多數三至六月搞, 過左唔上既話, 年尾自己出去報個D就要錢

首先, 我一開始已經講左, 我唔係講一d好既一面, 你想知好既一面可以去下d 洗腦式recuritment talk
我而家係要講一d不為人知既一面 
此外, 我係做cold call 既, 我每買一隻call要$300, 一個月平均call錢都駛左我成$5000 - $6000
仲有,我做左兩年, 俾人罰既錢都唔夠$100, 你到底明唔明個問題所在, 自僱人仕點解要罰錢, 罰左d錢點用, 條數點show俾大家睇, 仲有, 我條大team曾經有專業人仕係度做, 如會計師, 人地會嘈點解罰左錢會無收據等等
最後有d team係直情取消左個罰錢制度

美麗既說話大家都識講, 問題係有無人夠膽將最真實既一面講出黎
我之前寫既野我想請問我有咩係講錯係誤導, 請你指出黎
仲有, 人地返大陸關我咩事. 你唔好扯開黎講, 我夠知有好多人搭車, 但有無人會一日去幾處地方, 仲要好可能係入完天水圍,再過番香港島先, 我做cold call好多野都唔到我控制

就算你唔請客食飯, 你自己飲杯野都要啦, 仲有你唔好同我講你無送過年禮品俾d客, 生日card呢, 全部都係自己錢 
我自己唔做過呢行,我都唔知咁多呢d野, 有邊個會係你入行前同你講呀

仲有, 你睇下我係咪淨係識踩? 繁星之夜呢位網友我有鼓勵佢架, 我只係唔想大家俾人昆入行
如果你真係深思熟慮既話, 我絕對欣賞

其實我寫之前都有諗過有d"衛道之仕"會黎踢場, 如果你唔岩睇既咪唔好入黎睇羅
大家都係成年人, 有自己分析同埋判斷既能力
你要明白我寫呢d野係無著數既, 我同大家根本無利益衝突

仲有唔該你唔好話版主, 我睇過佢發言, 佢絕對係一個有自己思考既人

如果你真係唔滿意, 我絕對歡迎你自己都寫一篇出黎大家比較下
我只係想你知道, 我唔係亂叫人唔好入行, 我只係會同佢講, 如果你係有足夠既經濟能力, 無負擔, 無負債同埋唔駛養家, 做呢行係無問題, 入黎歷練係唔錯既選擇

我都唔想再回你d野, 都唔睇清楚個新仔一入黎就玩惡性批評, 虧你做左五年一d分析力都無, 我都唔會再應你, 收筆!


文章標籤

諾維爾 發表在 痞客邦 PIXNET 留言(1) 人氣()

From: http://hk.news.yahoo.com/殯儀業辦文憑課程吸新血-涵蓋殯葬到行政-實習38小時-230233882.html

【明報專訊】隨着人口老化,本港對殯儀服務的需求將會不斷上升,連殯儀業都要找新血。九龍殯儀館董事程廣寧下月正式聯合殮、殯、葬三個界別的行內人士,開辦殯葬專業證書及文憑課程,包括38小時的實習,希望讓外行人接觸殯儀業消除誤解,吸引新血入行,更稱業內部分銷售員年薪過百萬。

九龍殯儀館董事程廣寧說,殯儀業以往沿用師徒制,外行人多難以入行。他稱,雖然近年行業慢慢對外開放,但行內一向缺乏專業訓練,以致服務良莠不齊,殯儀業需要專業培訓及發牌制度,以完善監管,他說﹕「殯儀形象不好,如果無專業的培訓,提升形象,只會愈來愈式微。」

聯合殮殯葬三界別

程廣寧曾與本地大學探討開辦殯儀課程,但因雙方對課程意見不一而未有成事,於是設立私人的「7749有限公司」,和殮、殯、葬三個界別的行內人士,一起開辦殯葬專業證書及文憑課程,希望提升行業形象,吸引新血入行。

執骨師傅:要落手落腳做

參與開辦課程的7749有限公司董事總經理袁伍鳳,從事石廠、執骨等業務逾20年,她指出,是項課程涵蓋面廣,從基本殯葬到殯葬業的營運與行政管理都有,比坊間一般只提供殯儀銷售的課程更全面,收費介乎7749元至9789元。

不過,年過50的執骨師傅鍾志和坦言,要真正學懂便要跟師父「落手落腳做」,不是讀課程就可以。他又指出,從事殯儀業最重要的是克服心理障礙,「有的第一天上班,(揭棺後)見到未完全腐化的屍體,嚇得即刻跑掉。」

IVE亦有意開辦課程

香港專業教育學院IVE(柴灣)工商管理系系主任甄鼎君亦指IVE有意開辦課程,不過要先了解市場需要,確保課程內容及師資符合資格等。

++++++++++++++++++++++++++++++++++++
香港真的很需要發展職業的多樣化
雖然是一個國際大都會,實際上除了地產和金融,香港真的一無所有...... 

諾維爾 發表在 痞客邦 PIXNET 留言(0) 人氣()

From: http://www.discuss.com.hk/viewthread.php?tid=14521935&extra=page%3D5&page=1
作者: 
erickwan2701

相當精彩的資料性文章,信不信由你~

這是一篇舊文修訂重貼,希望給中七學生作參考!但因本人近日工作繁忙及情緒不好,所以不會有太多回覆,望各方友好多多指正。

JUPAS 失敗的清貧學生的升學
  
本人是一名老師,已經從事教育工作差不多十多年了;在學校是負責給中學生們報公開試,而且有一段時間是負責職業升學輔導的人。雖然現在已沒有負責相關的工作,但每一年還是會和自己相熟的中五及中七畢業生商討他們的前途。不過,由於本人的意見有時過於「出位」及「現實」,所以不可以在學校的講座中如盤托出。有見於在論壇中,不少學生在升學方面有迷惘,所以在這一篇文章中分享自己多年的心得;而且也不怕學校因本人的「出位」及「現實」言論而秋後算帳。本文將集中討論那些在JUPAS申請不成功及家境中等或以下之學生情況;那些在JUPAS申請成功的學生,即使衹是副學位﹝副學士或高級文憑﹞,也應該立即接受。而那些家境中上以至富有的學生,相信你們的父母已經為你往外國升學預備充足的資源及資訊,所以你們還是預備好好享受四年外國大學生活吧。

定律一 (要選好科一定要自己早找資料)
同學有需要在JUPAS或其他公開試放榜以前親自收集該課程資料來預備報讀;不可以將這一程序留在公開試以後,原因如下:
1        公開試放榜以後,心情悲、怒、驚、恐交集,根本不能作出理性的決定,大部份別有用心之人(課程騙子/專上學院老千)都會利用這一段時間給你假希望來騙你的金錢和時間。
2        好的課程其實會比其他課程早些滿額,到時才報以經太遲了。
3        要瞭解好課程及計劃自己的路向時需要很多的時間,而且也要考慮自己家裏的財政能力。

我常向我的學生說一個笑話,全香港學生最重要的職業輔導老師是TVB,因為他們對醫生、護士、律師、教師、警察、消防員、辦公室文職、行政人員、主管、老闆和各行各業的日常工作的印像大部份是從TVB劇集而來。很多學生都常跟我說想讀BBA和會計(自資副學士或IVE高級文憑),但當我問他們一些深入問題,他們給我的答案卻相當偏面,如想入商界賺多些錢(讀BBA副學士可以入商界?)、成為會計師(讀會計副學士或高級文憑可以成為會計師?)等。資料需要由自己親自收集及整理;永遠不可相信各院校的Sales及升學顧問!!他們的利益和你的個人利益有直接衝突,他們能從每一個報讀學生身上取得佣金,所以一定會建議你去他們的院校,而且近年興起利用自己學生或入世未深的年青人做Sales,成本既低之餘也可以容易吸引年青人。即使是三大的副學士的招收也出現這種情況;自己的前途應由自己決定,不可輕信商業機構(它們不是教育機構!!)的意見。

定律二 (政府是指路明燈)
政府在你升學那年的宣傳及所增減之學位種類,雖然通常不能提示你應該讀甚麼,但卻常常能清楚提示你不應該讀甚麼。簡而言之,就是要與政府對著幹!!!自2000年後的一些比較出名「對著幹」情況可以羅列如下:

1發展中藥港(讀中醫?)
2發展數碼港(讀IT/電腦?)
3發展商務及服務中心(讀工管?)
4發展旅遊業(讀旅遊?)
5發展物流業(讀物流)
6發展金螎服務中心(讀會計?)
7大力發展自資副學位課程(讀副學士?)

不知何解,通常如果學生跟從政府所指的方向,在學生畢業時該方向通常會出事或學生會發現政府從自己身上得到巨大的利益而非自己有太大的得益。由於香港政府對本地就業市場往往比較後知後覺,再加上課程需時最少三年,所以學生最後會吃水尾。而且,香港學生通常會跟風,做成供應量大增。跟據我的經驗,真正有好職業前景的課程反而宣傳不會太多和有些隱密性的(但暸解情況的人會介紹自己的親友報讀),而且收生也不會多的,同學需要自己發掘。

定律三﹝還是老的好(IVE高級文憑)
選擇自資副學士或IVE高級文憑是論壇中最常見的爭論,甚而會引起駡戰;但往往爭論者對課程的分類並不精確;所以我想在這裏將課程的分類列出,讓學生能有一個清楚的理念:
 

分類一        學位課程
1A        本地大學所頒受的學位(政府資助)
                1A1        
技術及專業類別
                1A2        商業及普通IT類別
1B        本地大學所頒受的學位(自資)
                1B1        技術及專業類別
                1B2        商業及普通IT類別
1C        本地大學所頒受的TOPUP學位(政府資助)
1D        本地大學所頒受的TOPUP學位(自資)
                1D1        技術及專業類別
                1D2        商業及普通IT類別
1E        本地大學與外國大學合辦而由外國大學所頒受的TOPUP學位(自資)
                1E1        技術及專業類別
                1E2        商業及普通IT類別
1F        本地機構與外國大學合辦而由外國大學所頒受的TOPUP學位(自資)
                1F1        技術及專業類別
                1F2        商業及普通IT類別
1G        外國遙距課程(自資)

分類二        副學位課程
2A        本地大學所頒受的副學士(政府資助)
2B        本地大學所頒受的高級文憑(政府資助)
2C        本地大學的專業進修學院(獨立於大學)所頒受的副學士/高級文憑(自資)
                2C1        技術及專業類別
                2C2        商業及普通IT類別
2D        本地大學和其他教育機構合辦的學院(獨立於大學)所頒受的副學士/高級文憑(自資)
                2D1        技術及專業類別
                2D2        商業及普通IT類別
2E        VTC之下的高級文憑課程(政府資助)
                2E1        技術及專業類別
                2E2        商業及普通IT類別
2F        VTC之下的高級文憑課程(自資)
                2F1        技術及專業類別
                2F2        商業及普通IT類別
2G        IPASS機構所辦的副學士/高級文憑(自資)
                2G1        技術及專業類別
                2G2        商業及普通IT類別
2H        其他機構所辦的副學士/高級文憑(自資)


作為一個老師,我還是想找出一個比較客觀的論據去比較各課程;我的論據比較特別,希望其他人可以指証及討論;我的方法很簡單,就是找出納稅人對該課程每一名學生的資助,而結果如下:(數字衹是大約而已,因數字每年都有變動而且某些數字近年甚難獲得。)

  • 政府資助學位1A(JUPAS):二十多萬
  • 政府資助副學位2A/2B(JUPAS):十七萬
  • IVE政府資助高級文憑2E:十五萬
  • 自資副學位(主要是副學士及一些高級文憑):負八千元
  • 重讀中七(資助中學):六萬

每一次我向我的中七或中五學生揭示以上數字時,通常大部份人都十分驚訝,而且他們有一半關於選擇自資副學士或IVE高級文憑的問題也會消失;這些簡單數字其實解答了很多政府很多舉動的原因。

1 
教育署/政府/通常不鼓勵重讀,因為你重讀中七或中五會增加政府的財務負擔。
2 教育署/政府/通常鼓勵你修讀自資副學位,因為你的家庭會完全負擔你的教育經費,你再不可從政府身上得到一分一毫。
3 自2002年有自資副學士的課程後,IVE政府資助高級文憑的課程的數量及收生人數不斷下調。因為這樣可以給政府一個黃金機會削減教育經費。
4 自2002年有自資副學士的課程後,VTC開辦了不少新的學院;也將部份IVE的課程移交給這些學院;而這些學院在VTC的財務報告中特別強調是自負盈虧,所以才會出現VTC收生人數不斷增加而政府撥款反而可以減少的「教育界奇蹟」。

所以,若從成本效益而言,如有可能應修讀IVE政府資助高級文憑,這樣才可以在政府身上取得最大的效益。不過這一個方法也不容易,因為IVE政府資助高級文憑差不多全是工科、理科或術科之科目,學生需要有相對應的科目才成。而且,政府也己經儘其最大的努力去消滅IVE政府資助高級文憑,就我個人觀察,在數年之來這些科目有機會會轉給自負盈虧的學院舉辦,所以學生們要快一點才成。副學士或IVE高級文憑那一個比較好這一個爭論其實並無意義,因課程名稱可以隨時改變;而最大的問題反而是1有沒有政府資助?2是技術及專業類別還是商業及普通IT類別?3是否已經過了HKCVVQ的評審?4相對應的專業團體是否承認?通常來說,2A至2G已經過了HKCVVQ的評審,但同學也要小心2C可能有一些未知的危險。

 

定律四(升讀本地大學、TOPUP DEGREE)
不少學生在完成自資副學士或IVE高級文憑後都希望升讀本地大學學位或TOPUP DEGREE,但由於情況複雜,所以我想要談談,先將常見路徑列出:

1 進入1A二年級(4000學額:1A2比1A1為多)
 2 進入1A一年級(NON-JUPAS學額不定要和其他人如海外回流生競爭)
 3 進入1B一或二年級
4 進入1D一或二年級
 5 進入1E或1F
 6 進入1G

不少學院(2C至2H)為了要將升學率提高,故意將本文討論的1至6的升學數量任意合併計算,從而混亂學生的理解,學生在查詢課程的升大學比率一定要要求對方將升學比率分解成1至6各項來表述,而也應該要求對方提供實際人數(即分子與分母)。在本年度的升學就業博覽會上,我親眼看到各院校利用此方法混亂數據及誤導學生;我曾經親身向其中四間院校(其中兩間是三大)查問數據,其中有一些人(是學生及十分年青及漂亮的女Sales及其主管)根本不知道我在說甚麼(扮蠢!!)?而另外一些,則在我的詰問下大學升學率由80%變成15%!!!

1 進入1A二年級(4000學額:1A2比1A1為多)

數量是4000並由政府控制;其中商業及普通IT類別技術及專業類別位多。如你想由副學位升讀商業及普通IT類別學位,機會如下所列:2C2>2D2>2E2(學額差不多是0)>2F2>2G2>2H。因為本地大學通常會多收自己專業進修學院學生以吸引人來報副學士來增加收入,所以IVE高級文憑難升大學的印像從此而來,再加上IVE高級文憑(商科)通常都是自資課程(2F2),費用昂貴,更為不值。但另-方面,如你想由副學位升讀技術及專業類別學位,機會如下所列:2E1>2F1(學額不多)或2C1(學額不多)>2D1(學額不多)>2G1(學額不多)>2H(學額不多)。IVE高級文憑(技術及專業類別)通常是資助課程,而其升本地大學二年級全日制的比例可達40至50%(一個令人震驚的比例);因為本地差不多沒有自資副學士(技術及專業類別2C1\2D1\2G1\2H),所以競爭不劇烈。這一個奇怪的情況源於一個為學生忽略的事實:由於自資副學士的目的是賺錢(2C\2D\2F\2G\2H),所以所有學院都傾向開辦商業及普通IT類別課程,因為這兩種課程的成本比起技術及專業類別輕得多,這樣才可以將利潤最大化;而不是不少宣傳單張所指為商界製造人才或有很多需求(學生常在一點上被騙!!!)。技術及專業類別需要大量昂貴儀器及實習,成本既高,自資課程會蝕本。這也解釋了為甚麼VTC的新學院的自資課程全是商業及普通IT類別課程,而IVE可保留技術及專業類別的政府資助高級文憑了。不過,以我們政府如此「關心和愛護」家境中等或以下之學生,為甚麼他不全部取消這些課程來省錢呢?就是業界真的對該等行業有人力需求,這些課程的就業比例一定高而且代遇也不錯(供求問題)。所以,學生如何選應很清楚了。副學位(商業及普通IT類別課程)的失業率高及僱主聯會主席,公然表示不會請副學士的原因正是因為這個事實;而僱主認為高級文憑比較切合他們的需要也在於此。最後,如果你想以此進入大學,商業及普通IT類別技術及專業類別那一個類別比較容易呢?以人數而論,商業及普通IT類別比較多;但以百分比而論,技術及專業類別高得多了,因競爭者相對小很多而大學位也不小。

2 進入1A一年級(NON-JUPAS學額不定要和其他人如海外回流生競爭)

要利用NON-JUPAS進入1A一年級不太容易。在討論2前,我想學生首先反思一個問題:為甚麼我不重讀中七?要是升學的機會主要從2而來,讀副學位除了多給學院十多萬家裏的血汗錢來逃避AL外,可以說是無意義的!!!而且,在兩年副學位課程裏,你若不比AL更勤力的話,跟本不可能利用2進入大學的!!!要利用NON-JUPAS進入大學(商業及普通IT類別)課程是不容易的;因為有不少家境富裕的學生利用英國的GCEAL回香港來搶位的。反而因為以上忽略的事實,(技術及專業類別)的課程仍然有極大的優勢的。由於利用家境富裕的學生利用英國的GCEAL回香港來搶位日漸增多,我建議學生也可以在香港報考GCEAL來和他們搶位。(題外話:我曾建議我的中七學生應該同時報考GCEAL,但他們郤對我說太辛苦了?!(無語問蒼天!))

3 進入1B一或二年級

學歷跟1或2一樣受本地認可,可惜費用昂貴是其一短。這一路徑往往是那些在1及2失敗了的同學的選擇。同學要考慮自己的財務狀況。學額不太多也不太少。

4 進入1D一或二年級

情況跟3差不多,不過學額更小。

5 進入1E或1F

先說由本地大學自行舉辦的自資課程1B或1D;這類課程費用極昂貴,雖然學生的學位將會由該院校所出而獲香港承認,但財務負擔極重。這一類課程比起下一類課程來說是小量的,因為質素受政府及海外機構監察而利潤比較少。而在市場佔主導的卻是海外大學與本地大學合辦TOPUP DEGREE(1E或1F)。先說第一件事,「與本地大學合辦」這六個字是騙人的!!!!是該等課程的機構利用給本地大學大量金錢而買回來的字眼,因此學生証書上是絶對沒有與本地大學有關的任何字樣的,以防出事時學生可以向本地大學追究,也可以避開所有對本地大學的監控系統。課程內容完全沒有監察的!!!費用昂貴(但比上一種平)而修讀時間短是其一大特色,這樣因為貨(學生!!!!)如輪轉可以將利潤最大化。而且這一類課程的質素極之參差,大部份家境中等或以下之學生就是在這些課程中被騙的,選擇時可以留意以下重點:

  1. 任何時間短於一年半的課程不需考慮,學歷評審局已經表明不會為一年或以下TOPUP DEGREE進行評番,它們一定不獲香港承認!!!!千萬不要為了貪快而選這些課程,會抱憾終身的!!!!!
  2. 在報讀時一定要查核該校在海外的排名以及提供課程是否真的直接隸屬於該校;有一些卑嗇的學院其實衹是該校的校外課程部(如中大與中大校外課程部之關係)或遙距課程部(如港大與SPACE之關係),該校在海外的排名與這些「賺錢部」一些關係也沒有。
  3. 在報名之前,一定要到學歷評審局\專業團體\各大學研穷院查閱資料!學歷評審局袛會為已經完成課程的個別人士進行評審,但學生也一定要自己從各方收集資料。同學應將課程和各專業團體的要求互相印證;如香港會計師公會袛認可小於十間的外國大學會計系!!同學也可向各大學查詢如以該學位報讀大學的碩士課程,是否得到認可從而評估該學位的質素!
  4. 留意合作關係是否比較長久!!!

 

 

定律五(專業學會的要求)

同學如果報讀技術及專業類別的副學位課程時一定要在相對應的專業學會找出該課程所有的認受程度。這個原則不單在所有副學位課程適用,即在JUPAS的學位課程也適用,每一兩年,就會出現JUPAS的學位課程不受相對應的專業學會承認的事,何況是副學位課程。定律一至定律四袛是一個大勢而已,如果專業學會有任何新要求,當以專業學會為準。由其更應利用專業學會的資料來評價再進修課程的認受性(如TOPUP DEGREE)等。另外,也要留意課程單章來一些不清楚的字眼如:完成後可報讀XX大學(任何課程完成後都可報讀牛津大學?!)透過對專業學會的瞭解,才可以明白其性質,從而計劃自己的路向。


定律六(完成課程的程序)

同學可以利用以下的方法完成課程:

1: 完成副學位後立即以全日制升學來完成學位課程
2: 完成副學位後工作並立即以部分時間制升學來完成學位課程
3: 完成副學位後工作並在兩三年後完成學位課程

1的好處是能以最快的時間來完成學位課程而壞處則是財務負擔極重,學生在完成課程後即欠下一筆不少的債,對中下階層而言影響甚大;而且,這樣做會延遲學生進入職場,以香港現時的環境來說,在可見的將來,就業環境袛會日增惡化,遲一至兩年進入職場影響極大。

2的好處是儘快進入職場來賺錢還債及維持生計,也可先在職場搶位,而且該工作最好能和自己的課程有關,這樣可以爭取經驗。而壞處則是要遲一些才可得到學位,而且個人極辛苦。

3的好處是儘快進入職場來賺錢還債及維持生計,也可先在職場搶位,而且該工作最好能和自己的課程有關,這樣可以爭取經驗;而且也沒有2般辛苦。而壞處則是要很遲才可得到學位。

三種方法各有所長/所短,但考慮到本文的對像(中下階層及清貧學生),同學是有需考慮2和3的方法的;所以,副學位旳性質是否可以利用2和3的途徑極為重要;同學應以本人家庭環境的程況來考慮。

定律七     常見錯誤概念

     院校X比院校Y好,所以無論任何課程都是院校X比院校Y好。
學生比較時應比較課程的好壞,而非比較院校之好壞;如果兩間院校的課程不一樣,根本無從比較,而且對學生也無意義。而且,每一個學生的個人條件不同,好壞的定義也不儘相同。如果真的要強行比較,應以專業學會的要求為原則,升學比率\就業比率等客觀數據為原則;可惜,院校通常袛會公佈全校數據而不會公佈個別課程數據;但有個別課程會公佈數據;不過,這些課程通常會有一些好好的數據。

     何謂(院校)?
我去HKU讀Associate Degree/我去CU讀Higher Diploma!!!
這兩句句子其實大有商榷之處。本地大學如果要舉辦副學位課程,通常會透過其下的專業教育學院乃至與其他機構合辦;這些機構與大學本部的關係十分微妙;不過有一點可以肯定,不可以自動將大學本部的表現及排名與這些機構的表現及排名直接掛鈎;所以其實同學如果可以的話,應要瞭解這些機構與大學本部的關係,因為這會直接影響同學升入這些大學本部的機會。關係越密切,則升學比率會越高!有些大學本部為了怕影響本部的名聲及排名,在實際收生時會儘量和專業教育學院保持距離,但在宣傳時卻儘量利用本部的名聲。同學可以透過新聞及時事留意,也可以在網上查閱以前的新聞。也可以留意各大學本部的歷年數字,如三大之中,有一間大學在收取自己的副學位的畢業生時,數字隨時間而慢慢減小。

     洗底有沒有效?
有一些學生在完成了學士學位(TOP-UP DEGREE或國內大學或國外不出名的大學或本地非三大),希望取得三大的學位以利找工作或再進修,則會利用三大的碩士學位將自己變成三大的畢業生。不過,要留意三大的碩士課程是否會承認你的學位;三大的碩士課程把關甚緊,不少低質素學士學位會被忽略不計;所以如果同學們有此打算,應在修讀學士學位前己經要瞭解清楚。而且你可能需要查看你的課程及相關的專業學會是否有一些(潛在規則),從而決定你的(洗底模式)。不過,近年人事部門對這些五花八門的課程把關越來越緊,也有一些他們內部利用的名單,同學要小心;所有你曾修讀的課程都會組成僱主或教授對你的印像。

     要刪除MSN/FACEBOOK/TWITTER Account及所有資料!!!
最後,我有一個同學們常犯的錯誤想分享。我認為同學們不應以真實姓名在MSN/FACEBOOK/TWITTER開Account;透過FACEBOOK來搜集同學們的個人資料已經暗中成為人事部及大學收生時的一個重要參考,年青人如在FACEBOOK上有甚麼出位言論,往往因此給了人事部及大學收生的教授不好的印像,中下階層及貧困學生往往因不懂這些微妙的方法而陷於很大的劣勢中。(題外話,我也曾教導一些老人家用FACEBOOK來查看自己未來媳婦的真實性格及在人後的言論。)

+++++++++++++++++++++++++++++++++++++++++++

其實網友的回應:

1. glock18
   若從成本效益而言,如有可能應修讀IVE政府資助高級文憑,這樣才可以在政府身上取得最大的效益
   修讀IVE政府資助高級文憑=好? 睇睇, 

   中大東華 有開醫療健康理學副學士(自資), 大多數入 cu nursing year 3, 讀2年就ok, 同jupas入比冇讀多到
   http://www.cutw.edu.hk/tc/alumni-news/sharing

   2009-2010年度醫療健康理學副學士學位課程27名畢業生當中,共24名升讀香港中文大學護理系。
   http://orientaldaily.on.cc/cnt/lifestyle/20100805/00298_020.html
   今年快將畢業的她,已獲香港中文大學那打素護理學院取錄為護理學(榮譽)學士學位課程三年級暫取生。

   polyu hkcc 都有開asso in health studies(自資), 都幾多入 poly nursing year 2

   ive 
   http://www.vtc.edu.hk/admission/chi/course/course-11362s.html
   讀完做唔到護士, 升degree, ou  , 仲要讀足4 年, 2年hd+4年degree=6年full time, 死未

   畢業生可報讀下列課程:香港公開大學開辦的四年全日制護理學榮譽學士課程

 

  •   香港公開大學開辦的一年全日制應用科學(美容及健康)理學士銜接課程或一年半全日制應用科學(美容及健康)榮譽理學士學位課程
  •   香港公開大學開辦的一年全日制應用科學(生物及化學)理學士銜接課程或一年半全日制應用科學(生物及化學)榮譽理學士學位課程
  •   香港公開大學開辦的一年全日制應用科學(能源及環境)理學士銜接課程或一年半全日制應用科學(能源及環境)榮譽理學士學位課程

  http://www.ouhk.edu.hk/~sctwww/nursing/BNHF_01/index.htm

課程年期
本課程屬四年制,不設多個入學點與結業點,學員需從第一年一直修讀至第四年,方能畢業並取得學位。

3是否已經過了HKCVVQ的評審?
 ipass 入面d course 一定過

由於自資副學士的目的是賺錢(2C\2D\2F\2G\2H),所以所有學院都傾向開辦商業及普通IT類別課程,因為這兩種課程的成本比起技術及專業類別輕得多,這樣才可以將利潤最大化;而不是不少宣傳單張所指為商界製造人才或有很多需求(學生常在一點上被騙!!!)。技術及專業類別需要大量昂貴儀器及實習,成本既高,自資課程會蝕本。

唔好天真地以為資助課程唔賺錢, 唔會昆人, 為收生收資助, 某間院校乜都做得出

某院校自稱課程認受性高, 但自己開左d 政府資助膠科係業界唔認可, 讀完你係根本入唔到行, uwants 有位叫smo(qeh) GE 醫務界朋友曾經踢爆 有SAY 有WAY 學店生物醫學高級文憑, 以下轉載 (注意: 某d link 可能死左入唔到)

進入IVE=玩死自已我同你講香港醫務化驗師委員)是不認IVE資格)如果家境許可考慮去UK/AUS STUDY B.Sc Biomedical science,重要的是IVE是沒得讀1.病理解剖學 2.組織學及細胞學3.血液學及血清學 4.Chemical pathology/(clinical biochemistry),IVE開這些課程在國際生物醫學科學研究界簡直是天大笑話,荒天下間之大謬,根本IVE是沒資格在職業訓練學校裏,開這些專業科目,大學才有資格開,你可以打電話去問!答案:是的確是沒有專業學會會認可,畢業後真係不會有專業學會承認,私人醫務化驗所也不會請,信我講1是掠水垃圾學校,還有你看看多數學生品行,最叻是吹水,識女仔,玩女仔,放學玩玩玩,無心向學,中三青年學院這些似不良青年,中五,中七都話入得,>我擔心你前途才說,特別是我有個下屬是急症室醫生,傾開計!仲好笑話,2006時候前女朋友就是沙田分校學生,親身接觸過有學生話自已兼職,又話做考試局/民政署,其實咪=什工,又話考救謢員,實為溝女之術,自欺欺人,到頭來一事無成,浪費時間,只是個吹字,所以我做家長我唔會俾佢入去,但這是我個人立場與任何人無關!!關心你的人                                                                                                                                                                                                                                                                                 某醫院副顧問醫生(急症科)                                                                                 MD,FRCS(Eng),MRCS(Ed),MBBS(HKU)

好失望

好失望!!我也作為一個家長,為你們好,如果你想行一大個圈仲要得70%機會先拿到香港醫務化驗師委員會執照,加上不獲得專業學會資格,由得你!為為你們前途好,枉我一片心機,IVE的課程根本不是讀正規.生物醫學科學Biomedical science,得讀一科重要學科*病理學pathology*而專業資格是一個專業醫務人員的榮譽,你們要明白' 例如:}英國生物醫學科學學會IBMS,}香港醫務化驗師委員會uwantsT BOARD是不會認這課程,不要只信本入學手冊,我作為醫者!不想你們走入死路,苦口婆心講我誤人前途,我叫你們可以的話直接去UK/AUS讀Biomedical science我做事好認真,我不想你們畢業後才知道原來得個桔!!

自已睇下IVE HD Biomedical science有沒份,看完先話我,專業學會/醫務化驗師委員會承認嗎?
   http://www.smp-counicl.org.hk/mlt/lqq_List.pdf

   http://www.smp-council.org.hk/mlt/english/index_cpd.htm

   http://www.smp-council.org.hk/mlt/cpd_manual.pdf

   我有十足把握才說,這足以證明IVE學生讀書,只懂問講師考試拿貼士,上課拿筆記沒,真材實料!!

更詳盡的學歷認可資恪香港醫務化驗師委員會
http://www.smp-council.org.hk/mlt/lqq_List.pdf

睇下有否承認IVE,為你們前途好,唔信就算

不要自尋死路
現在Biomedical science是分科十分專業,如果去澳洲,英國讀Biomedical science major Pathology/Biochemistrymajor clinical biochemistry/immunology/molecular biology etc+經驗 OR>Master Level經已可以做科學主任(醫務),我可以說,就算做Lab Ass通常都是請有學位Majar Biochem/molecular biology/Life science..什至有讀Medical Engineering點解港大中大夠有醫學院?點解HKU SPACE,CUHK中東書院,開ASS of Life science唔開ASS of Biomedical science,笑死人,影響自己招牌,還有話拿學金去UK-University of Leeds讀Medical science位羅同學,H.K.M.L.T BOARD只是認University of  Leed~Biochemistry,Molecular biology,不認Medical science,就算返HK要再考執業試,因為未來技術是分子診斷技術,所以Molecular biology也是十分重要


就算某d 科係認可, 都可能係掠水課程

http://www.discuss.com.hk/viewthread.php?tid=12580370

關於ive讀老人服務個課程
保健唔使5科合格下化,中五畢業已經得啦

總結,錢同時間都係有限既,唔使晒錢同時間去讀埋d掠水課程.

保健員唔使5科合格下化,中五畢業已經得啦.

IVE 三年HD要7,8萬
普通保健員課程 6600-13000左右,178小時(!!!!!)擺明掠水課程啦.

至於EN,不如直接讀好過啦,RN?會考5科都無,conversion都唔收你啦.

總結,錢同時間都係有限既,唔使晒錢同時間去讀埋d掠水課程.

唔使驚既,好似我係另一個post講,多搜尋,多分析,多思考,唔好聽學店面一面之辭. 就算我地講既,都不能盡信,例如保健員到底是要5科合格定中五畢業,上網好易找到答案,咁你就知學店個課程,值唔值咁學費.
書又讀得多過人
知識亦都多
甘入行,做pw, 保健員又點?
出路呢?
有豐富老人服務知識pw?
有豐富老人服務知識保健員?
咁又點?升職?加人工?
根本樣樣都冇
個情況同SWA一樣
做SWA之後可以點?
好彩話,只能持續地保持現況
情況差,只有愈做愈低
冇再高學歷講咩都冇用
只有原地踏步
咁讀咁幾年書但係又原地踏步
同一個冇讀過呢個課程pw,保健員有咩唔同?
唔駛食飯?唔駛還窿?
你接受到嗎?
如Elaine所言,再讀上去degree相信會係一個好出路
但係,如果係貸款讀書學生
舊窿未還又見新窿
你估息平呀!?

佢又幾大程度滿足左專業教育呢個行頭?
出一個高不成, 低不就的課程,
專業性比唔上出面的專業證書課程(EN, SW),
但理論性同升學性又比唔上副學士課程,
咁係外人眼光好難唔懷疑佢掠水GA...?


去番原點, 高就高不成專業, 
但話個course無用, 就未至於係咁,
簡單d講, 佢係將PW證書課程+保健員課程+BASIC社工理論課溝埋一齊,
無理由無用啦? 
只係又係老問題:
-->想做EN? 就咁讀EN course咪得lor (但而ive收生成績好似升唔到做RN)
-->想做SW? pre-ad, SW asso幫到你 (等於中七資格tim)
-->想做保健員? 保健員course o岩晒你 (之後仲可以讀上面兩個course, 無沖突)

 


進入1G

不少學院(2C至2H)為了要將升學率提高,故意將本文討論的1至6的升學數量任意合併計算,從而混亂學生的理解,學生在查詢課程的升大學比率一定要要求對方將升學比率分解成1至6各項來表述,而也應該要求對方提供實際人數(即分子與分母)。在本年度的升學就業博覽會上,我親眼看到各院校利用此方法混亂數據及誤導學生;我曾經親身向其中四間院校(其中兩間是三大)查問數據,其中有一些人(是學生及十分年青及漂亮的女Sales及其主管)根本不知道我在說甚麼(扮蠢!!)?而另外一些,則在我的詰問下大學升學率由80%變成15%!!!

幾多升UGC/ 本地自資/ overseas top-up
 
ipass 網度一清二楚
 
http://www.ipass.edu.hk/chi/ciu.pdf
http://www.ipass.edu.hk/chi/intro-hkbu.aspx
http://www.ipass.edu.hk/chi/hu.pdf
http://www.ipass.edu.hk/chi/pu.pdf
http://www.ipass.edu.hk/chi/intro-lu.aspx

而且,政府也己經儘其最大的努力去消滅IVE政府資助高級文憑


當然唔係la, 冇幾耐之前 ive 先開左唔少政府資助新 course (紅字), 係收生不足要摺, 關政府屁事

在2009/10新學年,IVE、HKDI及SBI共開辦約50項適合高考生報讀的兩年制高級文憑課程,遍及9大不同學科,提供約3000個學額。當中5項兩年制高級文憑課程為全新開辦,包括食物科學(供應鏈管理)、環境科學(資源管理)、醫療保健(護理)、電腦圖像及動畫科技,以及工業及系統工程學等高級文憑課程。

http://www.vtc.edu.hk/vtcstaging/web/template/press.jsp?fldr_id=367&content_id=7234&lang=tw

2007/08學年職訓局36項新辦兩年制高級文憑課程

學科
課程名稱
應用科學
食品科學及食物安全高級文憑
應用及分析化學高級文憑
生物醫學高級文憑
環境保護及環境管理高級文憑
商管理
運輸及物資流程學高級文憑
商業推廣及項目管理學高級文憑
國際商貿高級文憑
會計及資訊系統學高級文憑
工商管理學高級文憑
商管攻略高級文憑
公關及媒體事業高級文憑
採購及供應鏈管理學高級文憑

幼兒教育及社會服務
幼兒教育高級文憑
社會服務(長者服務)高級文憑
建造工程
市區重建、屋宇檢驗及修護高級文憑
建築設計及科技高級文憑
設計、印務、紡織及製衣
時裝營銷採購高級文憑
時裝零售高級文憑
多媒體展覽設計高級文憑
時裝商務高級文憑

電機及電子工程
電子及通訊工程高級文憑
環境工程及能源管理高級文憑
酒店、服務及旅遊學
旅遊業管理高級文憑
康體文娛管理高級文憑
電子酒店及旅遊學高級文憑
會展及旅遊項目管理高級文憑
餐飲管理高級文憑
資訊科技
網絡應用高級文憑
軟件工程高級文憑
多媒體創作及數碼娛樂高級文憑
資訊及通訊科技高級文憑
機械、製造及工業工程
機械工程高級文憑
屋宇裝備工程學高級文憑
機電科技應用高級文憑
工程管理學高級文憑
產品設計工程學高級文憑

諾維爾 發表在 痞客邦 PIXNET 留言(4) 人氣()

From:http://jump.mingpao.com/cfm/JobArticle1.cfm?PublishDate=20100927&TopicID=L9&Filename=gou3.txt

【明報專訊】現時香港大約有近500名文化管理工作者,不少都是康樂及文化事務署的公務員。近月康文署再次招聘文化工作副經理,起薪點為月薪19,945元,頂薪更可至36,945元,更可升為文化工作經理、高級經理及總經理,月薪可高至89,140元。

文化工作副經理的工作並非單純管理文化場地,亦要協助籌辦和推廣文娛節目和節慶,如處理場地的定期小型表演安排,亦要督導和管理員工。

文化工作副經理一職並不需特定學歷或經驗,入職條件只需有大學學位,操流利英語和廣東話,以及在綜合招聘考試獲得一定成績。康文署會為他們提供在職培訓。博物館方面,康文署聘請的二級助理館長,起薪點也有21,880元,頂薪可至36,740元。

 

諾維爾 發表在 痞客邦 PIXNET 留言(0) 人氣()

From:http://jump.mingpao.com/cfm/JobArticle1.cfm?PublishDate=20101015&TopicID=L9&Filename=gp1000241.txt

原為事務律師的廖玉玲(Elaine),十年前轉行大律師,尋找自己的理想;陳尚德(Melvin)則透過進修和不同的工作經驗,由議員助理搖身成為事務律師,為事業鋪路。轉職的過程並不簡單,要重新適應兼學習,但仍是這一句:有志者事竟成。

近年司法制度有轉變,法律界對大律師和律師的角色要求又有什麼改變?且看行內人士娓娓道來,對有意入行或轉職人士不無幫助。

文:王安娜、麥懷欣 圖:受訪者提供、資料圖片

香港大律師公會執委會成員石永泰表示,律師跟其他行業一樣,有人會將它作為人生的「第二事業」,不過轉職人士或具備其他方面的經驗,相對「第一事業」投身者,會更了解社會運作和擁有較成熟的待人處事方法,較易令人信服。

具備雙學位入行佔優勢

石永泰說:「無論是第一或第二事業,投身者都須修讀相關的法律學位,以及完成PCLL(法律深造文憑)課程。其中擁有雙學位的律師,更擁有一定的優勢。」

香港律師會會長王桂壎補充,現時業界走向專業發展(industry focus),情就如醫生行業一樣,向專科醫生邁進。他提醒有意入行、轉職或已入行者,應兼備多一個學位,例如:金融、經濟、建築等。「過往曾有已具備工程學位學歷的工程界別人士,公餘進修法律課程,並轉當事務律師,專門為工程行業提供法律服務,更易掌握客戶的需要。」以下是兩名轉職者的經歷:

大律師Elaine 從事務律師轉職

進修路:香港大學法律學士學位→PCLL課程→英國倫敦大學法學碩士

工作經驗:見習律師(2年)→事務律師(10年)→見習大律師(1年)→大律師

Elaine由事務律師轉職為大律師至今逾9年,她認為,兩者工作同樣具挑戰性,轉職只是踏入人生另一里程。初畢業時,她認為事務律師的工作較適合自己。「事務律師的工作範疇比較多和廣,而且要經常面對不同的客戶,可以累積較多不同經驗。」

由見習開始 累積經驗

當了事務律師一段時間後,Elaine開始要專注處理較複雜的訴訟案件,不時要跟大律師合作,從中對大律師的工作有了更多的體會,為了能多參與法律訴訟的訟辯工作及深入處理案件,她遂決定轉職。

Elaine已有10年事務律師的經驗,但她表示,「即使以往有一定的客戶及人際網絡,也不能倚靠,最重要是做好每份工作,提升質素。」

大律師講求質素、口碑

作為行內人,她對大律師的工作瞭如指掌,因此不難適應,加上以往當事務律師的經驗對大律師的工作也有一定幫助,「我較熟悉行業的運作,也能因應客戶所遇到的問題而提供適合的意見,跟事務律師合作自然更暢順。」

除了工作性質的不同外,Elaine表示,「事務律師比較多機會與其他律師合作,有時會由數名律師組成一個小組處理案件,相反,大律師主要是單獨處理案件。」

事務律師Melvin 入行者要適應力強

進修路:香港中文大學社會學學位課程→香港大學專業進修學院英國法律專業共同試課程→PCLL課程

工作經驗:議員助理(1年半)→政府行政助理(1年半)→大學行政助理(2年)→見習律師(2年)→事務律師

本對法律毫無興趣的Melvin,卻在任職議員助理期間,透過接見市民,協助處理他們的投訴個案後,開始認識民事法,修讀法律的念頭萌生,「議員助理的行頭較為狹窄,而且我志不在參選議員,故打算趁年輕轉投法律行業。」

為了能安心兼讀法律課程,Melvin轉做文職工作,「起初也擔心難以兩者兼顧,因為法律的條文都是很抽象的文字,而且需學習不同的法例及閱讀大量個案,講求分析、耐性與專注,修讀過程並不輕鬆,幸好我記性尚好及努力堅持,終有所成。」

客戶要求高 行業競爭大

現時在律師行擔任事務律師的Melvin,平日負責個人傷亡索償、樓宇買賣、商業合約、侵權、離婚呈請、遺產承辦、司法覆核等法律事務,由於工作涉獵的範圍很廣泛,加上需同時處理不同個案,難怪他表示,掌握時間管理及適應力強均十分重要。

Melvin不諱言,客戶的要求愈來愈高、法律問題也愈趨複雜,加上行業競爭等因素,令事務律師要面對連串挑戰,所以更需懂得紓緩工作壓力。「即使自己已盡力,有時客戶仍感到不滿意,甚至多番刁難,幸好以往議員助理的工作經驗能幫上一把,故從事此崗位需時刻調整心理質素及具備良好的溝通能力。」

事務律師角色轉變

香港的法律專業分為事務律師和大律師,執業範圍有清楚的劃分,以往最大分別在於出庭時的職責。不過,今年1月立法會通過《法律執業者條例》修訂案,事務律師爭取多年的較高級法院(包括上訴法庭)和終審法院的發言權,終獲接納。

王桂壎表示,擴大事務律師的出庭發言權,對客戶來說,無疑有一定好處。「以向高等法院申請公司重組為例,過往需轉聘大律師負責,但擴大事務律師的出庭發言權之後,便可由律師行包辦,由於減省轉聘程序,律師費開支有機會減省。此外,客戶亦毋須再花唇舌向大律師解釋複雜的重組方案內容。」

王桂壎雖無法估計行內有多少事務律師會申請成為較高級法院的代訟人,但他認為,近年行內興起融資及資本市場的業務工作,商機處處,事務律師未必會轉當較高級法院的代訟人,故相信不會對大律師行業造成太大的影響。

高院審理案件減 影響新晉大律師

石永泰則說,事務律師的出庭發言權擴大了,然而他們跟大律師無論在工作性質和心態始終有別,他認為,部分事務律師將會繼續專注其本身工作,訴訟工作依舊交由大律師處理。

「事務律師的工作要經常接觸和解答客戶的問題,相反,大律師在審訊期間,可能要『閉關』1至2天,並且要心無旁鶩,準備盤問內容及技巧等,其工作模式和思路均有所分別。」

此外,政府於2003年將區域法院的民事司法管轄權的金額上限由60萬元提高至100萬元。石永泰不諱言,近幾年高等法院要審理的案件少了,對初出道的大律師難免有影響,不過對年資較深的大律師則影響不大。

3年以上經驗律師最吃香

截至2009年,本港擁有執業證書的事務律師共有6,465人;其中合股或獨自執業者共有2,074人、受僱為助理或顧問律師者共3,064人、非私人執業共有1,234人。王桂壎稱,大部分事務律師都在律師行執業,其餘則任職於政府部門。至於香港大律師公會現時有逾1,000名大律師會員,屬自僱人士。

法律界的「業績」與經濟緊緊相扣,王桂壎稱,過去半年經濟好轉,令行業業務遞增,對相關人手變得渴求:「當中以專責公司融資業務的律師行最需要人才,由於他們等不及培訓新人,故傾向聘請具備3年以上經驗的事務律師。」

他鼓勵有志投身事務律師的人士,需具備主動學習及擅於溝通的特質,「客戶來自不同行業界別,所以入行者要快速掌握不同行業之業務發展。另外,在工作的過程中,事務律師要接觸不同的人士如內地律師、中介人等,假如具備良好的溝通力及能操流利普通話,便能提升工作效率。」

薪酬方面,見習事務律師的起薪點由10,000至逾40,000元不等,視乎任職於本地律師行或外資律師行而定;當他們結束兩年見習律師的生涯後,正式擁有「律師」資格,年薪將有數十萬元。而大律師的收入則相對欠穩定,需按年資、經驗、客源、打官司是否出色而定。
++++++++++++++++++++++++++++++++++++++++++++++++++++++
因為語文好的關係,曾經有考慮過當法庭翻譯@@ 

諾維爾 發表在 痞客邦 PIXNET 留言(0) 人氣()

From:http://jump.mingpao.com/cfm/JobArticle1.cfm?PublishDate=20110325&TopicID=L1&Filename=gp100070.txt

SARS、南亞海嘯、甲型H1N1流感、金融海嘯、汶川大地震,以至近期的日本大地震……近數年天災人禍事件屢見不鮮,加上社會問題愈趨複雜,令社會整體所承受的壓力也上升,不同專業範疇的心理學家,在評估和治療不同服務對象時的挑戰自然愈來愈大。

文:王安娜、麥懷欣 圖:受訪者提供、資料圖片

日本九級大地震及所引發的海嘯,至今已造成數以萬計的人死亡及失蹤,加上核泄漏危機、餘震不斷……即使是「劫後餘生」的災民也需面對心靈重建的問題,提供適切的心理支援服務正是當務之急。

香港心理學會(HKPS)臨心理學組危急事故小組召集人、亞洲創傷心理研究學會會長、臨心理學家胡潔瑩博士,過往曾為多個本地及國際災難事故遇難者及公眾人士提供心理支援服務。她表示,災難發生後,不同人會有不同反應,無論在時間、程度及表現方面均因人而異。

災後反應 因人而異
「曾親身經歷災難事故的人,會感到短暫的壓力反應如失去安全感、焦慮和悲哀,腦海不停浮現事發畫面;部分市民也可能連日觀看及閱讀有關的報導而感到不安,甚至勾起過往類似不愉快經歷或引致情緒病發作;傳媒及其他負責調查與搜救、支援的人士亦會構成身心及工作壓力。」

她稱,大部分人在親朋的支持下,心靈傷害一般都能自然癒合。不過,假若情緒困擾一直持續或出現其他問題如抑鬱、酗酒,影響日常生活,便需尋求專業人士如臨心理學家的協助。

胡博士稱,臨心理學家的工作挑戰性愈來愈大,除了要為服務對象提供心理評估和診斷服務外,亦要肩負教育公眾、為醫護及拯救人員提供心理支援或急救訓練,從不同層面幫助受影響的人士重回生活軌道。


心理學專業 港分4大類

Close

HKPS會長梁莊麗雅博士表示,該會按本地提供的心理學專業培訓劃分了4個專業組別:臨心理學組、教育心理學組、工業及組織心理學組,以及輔導心理學組。

目前該會合共有逾千名會員(會員和附屬成員),當中最早成立的是臨心理學組別,且會員數目最多,約佔三分之一;其次為教育心理學組別,會員數目佔逾10%。另外,亦有一至兩成人屬非以上組別會員,如大專院校講師及在學校從事研究工作的人士。

從事上述4個專業組別的心理學家,無論是工作範圍或是任職機構都有所不同,詳見(表一)。


人手需求視乎政府資源
梁博士補充,外國的心理學專業範疇較香港多,會另加入實驗心理學、社會心理學、健康心理學、腦神經心理學、法律心理學等範疇。「本港心理學行業能否如外國般朝多元化發展?又或者隨社會問題愈趨複雜,對心理服務的需求又會否增加?未來市場會否招聘更多心理學家?相信需視乎經濟情、政府是否願意增撥增源、提供相關專業培訓等因素的考慮。」

「例如:在天水圍接連發生家庭慘劇後,社會福利署在2008年首季增設一個臨心理服務課,為天水圍、元朗和屯門區居民提供心理評估及治療服務。」至於行業的發展趨勢,她稱,近年多了一些資深的心理學家如臨心理學家及教育心理學家選擇私人執業。

香港大學心理學系副教授何敏賢博士補充,近年亦多了臨心理學家進行研究工作,「科技的進步,對推行實證治療很有幫助,因為臨心理學家可充分利用科學數據和實證基礎,提供有效的心理治療方案。」

根據衛生署的「2009年醫療衛生服務人力統計調查」報告顯示,截至2009年3月31日,涵蓋機構總共聘用403名臨心理學家(307名全職及96名兼職),分別任職於私營機構(34.5%)、政府(26.1%)、醫院管理局(22.8%)及資助機構(10.2%);教育心理學家則有153名(96名全職及57名兼職),分別任職於資助機構(30.7%)、私營機構(24.8%)及政府(23.5%)


入行Tips
臨床心理學家 修畢碩士兼通過實習
Close

要成為本地臨心理學家,首先要修畢心理學本科課程,再完成心理學碩士課程。目前香港中文大學、香港城市大學、香港公開大學都設有心理學學位課程,而香港大學社會科學學士亦設心理學主修,供二年級生選讀。以上課程適合文、理生修讀,畢業生可朝行政管理、培訓工作、社會服務等方向發展,或選擇繼續升學以考取心理學家資格。

香港城市大學助理教授暨心理學學士課程主任鄭漢光博士表示,心理學是一門以科學方法研究人類行為與現象的社會科學學科,畢業生主要從事與人有關的工作,其中不少加入商界發展,如擔任人力資源管理、培訓、研究分析工作等;部分加入社福機構,擔任項目經理,負責家庭或長者服務等,以及加入政府或教育機構。「現時城大每年提供40個本科學額,大學教育資助委員會(UGC)暫時未打算增加課程學額。」

心理學重研究與實證治療
至於心理學碩士課程,目前港大和中大均有開辦;如想成為教育心理學學家,則要修讀教育心理學碩士課程,港大和理大均有開辦此課程。

何博士以港大的心理學碩士課程為例,每兩年收生一次,每次約有200人申請,學額則有15至20個,因此競爭十分激烈。「修讀者必須接受嚴格的臨訓練,如2年內要到5個地方(包括醫院)實習,並要在一定時數的督導下完成實習。」他不諱言,由於工作需要面對病人,因此有自省能力、處事成熟的申請人會較具優勢。

課程設計方面,何博士表示,心理學十分強調研究部分,未來亦將會繼續利用科學數據,加強發展實證治療,如神經心理學和社區心理學等範疇。畢業生一般全數就業,他們除受僱於不同機構,亦有部分開設私營診所。

非本科畢業 由深造文憑開始
對於非本科畢業卻有意轉投心理學家行列的人士,梁博士建議,可先修讀心理學深造文憑課程(中大、城大、港大均有開辦相關課程),確立個人意向後,再修讀心理學碩士課程,並通過特定考試,在導師指導下完成指定時數的臨實習,才能獲取相關執業資格。

+++++++++++++++++++++++++++++++++++++
有興趣修心理學的人可以參考一下呢~

諾維爾 發表在 痞客邦 PIXNET 留言(0) 人氣()

您尚未登入,將以訪客身份留言。亦可以上方服務帳號登入留言

請輸入暱稱 ( 最多顯示 6 個中文字元 )

請輸入標題 ( 最多顯示 9 個中文字元 )

請輸入內容 ( 最多 140 個中文字元 )

請輸入左方認證碼:

看不懂,換張圖

請輸入驗證碼