戲班
原來係戲班演戲嘅叫伶人
分:生,旦,淨,未,醜,貼,副,外,雜
生有小生、武生;旦有花旦、老旦、刀馬旦
淨有花臉、未將、醜角、(貼)花衫,副師、(外)老生、(雜)武二花。
禁忌方面
1)上咗關帝的小生,在後台上不得開口說話,否則會褻瀆神明。
2)原來同騎師一樣,掛靴都有收山嘅意思。
而伶人嚴守嘅禁忌,就係禁洗網巾。 
網巾用作戲子勒頭之用,而洗網巾有告別亦有不祥之意。

咕喱
即係宜家嘅搬運工人
禁忌方面:
用膳後的碗碗碟碟,係收拾時.一定要逐隻逐隻執拾,一定唔可以重重疊疊咁執,如果唔係工作時會好易被貨物所壓。

戲院
其實我諗好多人都知
好多時有每當有新戲上演
戲院都會先影一場空場,
一來試吓條片,擴得順唔順,
二來就係俾啲『大佬』睇,
等上正場嘅時候唔好同人爭位啦。
聽講以前全港最猛嘅東成戲院,
每次試片都會坐滿『大佬』o架。

大廚
有兩個禁忌:
1)第一張單決唔可以是炒飯,瀨粉
因為炒有炒魷魚,瀨有瀨嘢等不祥嘅意頭,
所以一般廚房都會做蒸飯工作,有(蒸蒸日上嘅意思)
2)中國傳統,重男輕女,
一般大廚都係男人嘅工作
所以大廚嘅刀同鑊一定一定唔可以俾女人掂,
否則就會有血光之災。

風水大師
依一個禁忌,我諗絕對可以叫做唔講唔知。
原來係入行拜師之初,都要係『三損』之中選擇其一,
作為入門條件。
乜嘢係『三損』?
『三損』為
絕子絕孫
終生貧困
折福折壽
原因係堪輿,風水與天機有關,
天機洩露,不得善終。
嘩,俾著我都唔知揀邊樣好?
仲要入得依行,無得百無禁忌,真係好囉命。

護士
1)忌係病人判除帽,因為與喪服類同。
2)護士盡可能避免與搶救垂危嘅病人有目光嘅接觸。
因為相傳如果見到反白眼嘅話,就會被鬼魂寄存身體之內,
直至鬼魂自動離去才可倖免。

棺材鋪
開棺材鋪就梗係唔老禮,
最緊要嘅兩個禁忌,就係
1)一定要係日落之前收工,廢事啲遊魂野鬼走入嚟啦。
2)一定唔可以貪得意訓棺材,生人訓死棺,你地話又幾唔老禮喇。
俾錢都唔制啦。

記者
通常啲意外嘅人通常都血跡斑斑,
面目全非o架啦,聽講話記者去到意外現場,
千其唔可以講好核突呀,對死者或意外者不敬嘅說話,
如果唔係佢哋真係會跟住你。

空姐
以前嘅空姐通常都會養龜,
寓意『歸』來嘅意思,
因為好多時佢哋身在外地,客死異鄉就唔好啦。

理髮舖
理髮舖依定嘢最多係乜?
鏡也!
中國傳統,鏡不祥也,
如果你唔小心打破鏡,話衰一年。
所以舊嘅理髮鋪收工之前,都會將毛巾覆蓋哂所有嘅鏡先會收鋪。
就係廢事俾啲鬼走入去。

警察
我諗好多人都聽過喇。
就係無論點都好,晚上行beat,千其唔可以除帽。
所以你哋睇佢哋追賊都係按住頂帽去追。
點解關頂帽事?
聽講話帽頂頂花,好大殺氣,無鬼夠膽攪你。
仲有就係係凶殺案現場,都會莊住香先。
等被害o既『人』幫吓手,等佢快啲尋冤得雪。

演員
如果演員要拍死嘅戲,
拍完之後就一定要囉利是,
囉嘅時候導演仲要同你講,『做戲嘅啫』
廢事啲鬼信以為真,咁你就大件事

導遊
帶團通常最多時間同團友一齊嘅時間
就係係架巴士度。
係巴士度,導遊就梗係吹吓水,吓歌,吓鬼故。
但聽講話如果去緊一間酒店嘅旅程
就唔可以講嗰間酒店嘅鬼故。
因為啲酒店閑閑地幾百年歷史,
覺得你對佢不敬就唔好啦。

搭棚
唔好睇小依個行業呀,好多裝修重建都係要搭棚o架。
搭棚師傅成800蚊一日,開足工幾皮o野一個月o架。
原來搭棚嘅竹,分新竹同舊竹。
所有臨搭棚嘅竹,都要莊香拜過1日1夜先可以上棚。
如果唔係就好容易會有意外咁話。
巴士司機
係車廠出車之前,響一次大『安』
目的都係叫啲朋友仔落車,俾啲晨光第一線照親就唔好啦。

救生員
老一輩嘅救生員,都覺得有人遇難,
除咗泳術唔掂之外,都會覺得係水鬼作怪。
如果佢哋救咗一個人上水,就算真係咗氣都好,
都要係佢哋耳邊不停講,
『你未死o架,你都未斷氣,快啲醒番之類嘅說話』
目的就係想等啲水鬼信以為真,離開遇難者。
咁佢哋就可能會救得番。

騎師
騎師嘅禁忌
就係騎師裝束上任何一樣嘢都唔可以『掛』,
尢其尢其係對掛靴(音-her),
掛her即係retire,離開馬場也。
聽講話幾年前有個好出名嘅騎師唔信邪,
掛咗對靴,之後一落埸隻馬突然癲咗
個騎師跌咗落馬,斷咗條大骨
從此係馬場上拜拜。

仵作
乜嘢係仵作,仵工?
嗱,每當啲人死咗,都有人嚟收拾條『鹹魚』o架
仵工,就係嗰啲咁偉大嘅人。
佢哋仲有一樣嘢做,就係將啲舊嘅『鹹魚』係棺木度囉起上嚟,
削骨去肉,之後去入金塔呀或入火化,再放係骨灰堂恭放。
啲咁敏感嘅行業,細嘅禁忌講三日都講唔哂
咁我不如講個最緊要嘅禁忌俾大家聽。
就係無論點都好唔可以唔見咗『人哋』身體嘅任何一塊骨。
如果唔係就會得到同樣嘅報復。
我個朋友話,有個仵工唔小心唔見咗『人哋』個下巴。
又唔向『人哋』say個大sorry,
之後一個星期發生交通意外,成個身一個傷口都無,
剩係撞(luck)咗成個下巴,你哋話得唔得人驚?
聽到心都寒哂~

黃大仙解籤佬
其實依個行業嘅禁忌,我真係覺得幾無聊,
之不過搵咗就順手打出嚟,
各位大佬千其唔好串我,因為唔關我事o架。
黃大仙解籤佬嘅禁忌,
就係唔可以講大話,
即使有個病到半死嘅人,求到健康嘅下下籤,
都一定要講出真相,依籤直說
如果唔係就會應驗係自己度。
聽落我覺得似係專業操守,多過係禁忌。

漁民
十個漁民十個都信天后,
希望風條雨順。
初一十五食齋呀,依啲我諗個個都會知。
但係佢哋有一個禁忌,
就係如果捉到一種叫做『車輪魚』嘅魚,
一定一定要掉番落海放生,
聽講話捉到都已經會行衰運,
如果唔信邪,分分鐘連命都無。
所以係街市,大家從來都未聽過依種叫『車輪魚』嘅魚,
就係咁解喇。

的士司機
其實依個禁忌,我諗依家搵食艱難,
已經變得再唔係一個禁忌,
寧願無錢定見鬼,我諗宜家真係驚無錢多啲。
佢哋嘅禁忌就係唔想駕入掘頭路,
驚有入無出,好容易掉頭嘅時間見到汙漕嘢。
之不過好多司機,驚無tips已經唔會再信乜嘢禁忌。

苛官
即賭場係派牌,
好多人都知賭場其實已經係一個有入無出嘅風水陣。
每一張枱,每一個裝飾都係加強陣嘅力量。
葡京係裝修到好似一隻蝙蝠咁,每分鐘都吸緊人血。
仲有一樣嘅唔知大家知唔知。
點解唔俾18歲以後嘅人入場?
當然係政府條例,仲有一個原因。
原來係因為賭場通常都會養鬼仔,等佢哋鬼抓腳,
贏錢都要輸番出嚟,
通常養鬼仔都係要啲0-6歲嘅小朋友,
如果有小朋友入咗場跌咗件玩具係度,啲鬼仔掛住玩 玩具唔去做嘢,
咁咪大鑊。
聽講話有次有個小朋友唔知點解入到葡京,之後係度大喊。
攪到葡京收咗半日工,why?
啲鬼仔俾佢喊一喊唔知去哂邊。
咁你哋話小朋友係咪打死都唔俾入賭場喇。

妓女
無錯係妓女
話明72行禁忌,最古老嘅行業就一定有份啦。
以前窮嘅家庭,真係會賣個女俾啲妓院,
之後等到14,5歲就賣俾啲有錢佬同佢開苞,
開苞就一定要封利是啦,個有錢佬就會收起有血嘅床單或手帕,
因為佢哋覺得同後生女仔做會身體健康。
妓女有一個好大嘅禁忌,
就係拜神嘅時候嘅雞一定一定要係成隻上,係全體上。
係人都知妓女又叫雞,試諗吓點會用一隻無咗手,無咗頭嘅雞去拜神先?
咁咪啫係話自己無手無頭?

死人化妝師 
依個真係恐怖行業中嘅XO,所以我先留番最後寫。 
日日都對住啲新鮮嘅鹹魚,就咪話唔驚。 
咁多個行業嘅禁忌,依個都算最恐怖。 
就係話『一日入行,終生不得轉行。』 
如果唔係信邪轉行,最終都會番番嚟幫啲『大佬』化妝。 
真係好驚~


桑拿按摩師 
桑拿按摩師多數係女人啦 
亦都算都『遍門』行業 
『遍門』男人要拜關公,女人拜觀音, 
大家都知。 
所以佢哋嘅禁忌就係唔可以同背脊有神明嘅紋身嘅人踏背。 
你哋話喇,平日拜開佢哋,保自己平安,點踏得落去? 


水警 
通常如果有人係海度失蹤 
水警都會到場周圍搵吓
之不過搵之前, 
都會掉一個西瓜落海 
意思係『屍瓜』 
唔講唔知,西瓜落到水係會浮嘅
但係如果浮到一度, 
突然間沈咗, 
通常條屍就會係嗰個範圍。 
真係信不信由你。 

仲有就係通常會叫失蹤嘅人嘅屋企人 
係海邊燒金銀衣紙,同打叫嗰個人嘅名。 
咁條友就會自自然然飄番出嚟。 


夜總會舞小姐 
首先問大家一個問題 
知唔知道最賺錢嘅舞小姐係夜總會叫乜? 
答案;紅牌阿姑。 

所以佢哋禁忌就係唔可以借唇膏俾任何人。 
點解? 
唇膏又叫口紅 
喂,大佬,借啲紅俾你喎!? 
你肯唔肯喇? 


酒店roomservice 
其實應該好多人都知 
每一間房都有一本聖經係抽屜度 
其實每一次入房, 
第一件事,就應該檢查下本聖經。 

  • 如果間房本聖經,係合上嘅
    即係間房無事 
  • 如果間房本聖經,係抽屜度打開咗
    即係間房有嘢,你係可以換房架 
  • 如果間房本聖經,係table上打開咗
    你間房死過人,仲非常之咁猛。 

我有個朋友係泰國,就見識過,真係嚇到鼻哥都無肉。 

麻雀館 
1)麻雀館忌面對米鋪,原因米鋪日日開門嘅時候,照例把米倒係米桶內,日日對住倒米壽星,係麻雀館大忌。 
2)麻雀館忌用紅色,酒色財氣都係游魂野鬼喜到之地,而紅色本屬陰邪之色,故此更易招若鬼魅。


紋身師父 
紋身其實係中國都有好長嘅歷史,嶽母都係紋上『精忠報國』四個大字係嶽飛背上。
而紋身好多時都會紋上神明、龍與虎,依啲咁有靈性嘅圖像,所以都屬於幾敏感嘅行業 

禁忌:
1)認為紋身用的工具都是附有靈氣的,所以不能被攝影。 
2)紋身師父都會參拜神靈, 所以都會避食牛肉。 
3)學徒滿師之後,便需齋戒七七四十九日,免除嫖賭詔,
培養成一個元靈才可以成為一個紋身師父,假若在齋戒期間犯上任何一戒,便會招上邪靈。

 

創作者介紹

Rabbit Ciel

諾維爾 發表在 痞客邦 PIXNET 留言(0) 人氣()