其實我有D忟忟地, 因為我竟然見到百度有人偷文呀~屌。
仆你個臭街, 連感想都偷, 冇撚野呀?
我文筆好都唔使拎走打飛機掛?

遲下真係乜鳩都要俾文人先再BACKUP返去FB/呢度。

其實點解要分口語/書面語呢?
點解廣東話就唔可以我手寫我心, 好憎人用普通話講野既原因就係我要LOAD、LOAD對方UP乜鳩。
以下用廣東話寫, 睇下你點撚樣譯返做殘體字~

++++++++++++++++++++++++++++++++++++++++++++++++++++++++++
估都估唔到拍到咁CULT~
係呢套戲入面, 單身係犯法架, 一個人係路上會俾差人截查。
不論你係堅單身、死左另一半, 總之你冇同另一個人有關係, 咁你就大鑊喇!!!!!!!!!!!!!!!!!!
要入一間酒店, 住45日搵個對象, 搵唔到就要變成自己所揀既一種勳物。
期間會有好多活動, 基本上就係焗你班毒撚一齊
其中有個捕獵單身者既遊戲, 獵到一個就可以係酒店延長居留權一日。
男主角後來揀上既HEARTLESS WOMAN就係靠呢樣野住左咁耐......

根本而家個社會對單身者既歧視, 同套戲係一樣。
冇拖拍就好似次等左/有問題咁, 然後成個世界一齊出盡法寶、冷言冷語、單單打打咁迫你拍拖。
總之你一個人就唔正常啦, 係咁。
結左婚既人/有拖拍既人會不停咁向你洗腦, 述說婚姻的美好, 希望你也跟大家一樣迷信愛情是人生的救贖。
成個邪教咁真係好恐怖。

稍為有D自我意識/自我發展(有自己夢想/事業/想守護既野)都好似異端咁, 係你錯、你有問題、你唔啱。
其實我又確實見過真愛, 可惜真係好少, 不快樂既婚姻真係多好多倍......

男主角初入酒店, 識左兩個FRIEND: 一個跛腳、一個痴脷筋。
跛腳好積極咁搵伴, 因為唔想變成動物。
佢同左一個成日流鼻血既女仔一齊, 為左得到個女仔同大家既認同, 佢用盡方法自殘搞到自己都成日流鼻血, 因為連缺憾也相似先叫登對。
咁樣都得?
係呀, 其實我地個社會都係咁啦。
個個媾仔媾女都係不斷去裝模作樣同對方有好多共通之處去催眠大家「我地好多野都好似、心有靈犀。」, 如果一齊就會好登對。
懶, 唔想搬PSYCHO D THEORY出黎, 有排寫~
之後既冷靜期咪就係睇清真實既對方係點、發現對方都係一個獨立個體。
可以傾到有共識就繼續, 唔得咪係咁先。

可惜, 係呢套戲入面係唔得架。
你地嗌交?!!!!!!!!!!!!俾個細路你地, 一齊照顧。
有共同責任與目標, 促進溝通和一起解決問題的經歷, 對關係的確會有所維繫。
事實上咪咪的確化解過好多我同暉哥之間既衝突、分歧, 亦都成功咁建立到暉哥既自信心(呢個純粹係意外, 唔係所有男人適用)。
雖然佢對上一個念念不忘, 但我對佢黎講係最特別(或者係佢一直放唔到手既原因), 就係因為我令佢係我面前做返一個男人。
令佢明白照顧一個比自己弱小既生命、被依靠既感覺係點。
雖然佢真係好冇撚用, 但我從來都冇講過任何傷佢自尊心既說話(背後屌唔算呀~)。
與其一日到刻都吵架, 鼓勵加循循善誘效果會好好多, 我認最後係因為積累太多不滿而爆發, 而且老娘不想再玩了~
升呢升太慢喇, D進化素材又難儲, 所以我放棄呢個角色喇~

照顧一個小朋友, 除左生理上既野, 最重要就係點教。
呢個時候就係兩個人好重要既共識時間: 點樣將兩套唔同既價值觀、人生觀、兩個人既夢想、期望融合呢?
邊個做好人、邊個做衰人呢?
所以, 小孩的確對維繫婚姻有一定既幫助。

最後冇講到跛腳同鼻血女點, 男主角只係將真相話左俾鼻血女知。

而係住宿期間, 男主角嘗試過同HEARTLESS WOMAN一齊......
HEARTLESS WOMAN係一個冷漠、講野刻薄、冇情緒冇感覺既女人, 佢同男主角一齊既契機: 佢梗親到暈左, 男主角坐視不理, 然後佢醒返, 跟住就覺得大家天生一對......
佢地既生活都好各自各, HEARTLESS WOMAN訓前睇書、男主角自己有自己訓。
兩個人係一齊呀, 但係好詭異既氛圍。
到最後, HEARTLESS WOMAN為左測試男主角係咪同佢一樣唔懼怕死亡, 將男主角隻狗(佢哥哥)監生踢死左......
男主角扮到好冷漠話冇野, 點知都係忍唔住喊......HEARTLESS WOMAN好嬲, 暴打男主角。
終於忍夠喇, 男主角決定逃走。
為左唔想自己一個而變成異類, 你有冇試過咁呢?
長期性容忍一個既唔鍾意、性格衝突又不斷傷害你既情人。
JUST SEX AND NOTHING.

完全物質型的人是很少有的, 不然不會那麼多出軌。

出到酒店, 卻係另一個極端主義既組織--單身者聯盟。
呢到只要你一個做乜都得, 唯一戒條係唔准搞曖昧同拍拖, 犯禁者會遭受酷刑。

偏偏男主角就係呢度遇到鍾意既人。
世事有時就係咁, 你好努力咁去搵一樣野, 然後偏偏就係唔啱既時空出現左, 所以話每一次學識既溫柔就係令下一個幸福。

係呢個單身動物園入面, 有人努力擺脫單身為左唔想變動物, 亦有人欣然接受搵唔到啱既人去變成自己所選擇既動物。
鼻血女個FRIEND就係選擇左寧願做隻馬都唔想求其搵個男人就了此一生, 酒店經理係佢LAST DAY做人果日叫佢揀一件事去做, 自由發揮, 只是不建議揀食/性有關的事, 因為變成動物也依然可以做那些事。
呢度, 我覺得好有意思:
1)人之於其他動物的分別在於我們會思考自己感受到的?
2)愛情某程度上只是為了繁殖而衍生出來的幻想?

創作者介紹

Rabbit Ciel

諾維爾 發表在 痞客邦 PIXNET 留言(0) 人氣()