其實近幾年過年都好開心。
你點對呢個世界, 世界就會點對你。
改變自己後, 的確修左好多福份返黎。

以前我成日好介意朋友三號呢樣野, 但原來只係我自己諗多左。
我知道佢係屬於佢地, 就算有時佢地睇唔起佢、或者覺得佢麻煩阻住哂, 但佢地對佢既重要, 我好清楚。

除左咪咪, 呢個世界對我黎講已經冇重要既野, 所以慢慢已經唔再好似以前咁相信某D價值。
其實呢班人係好好架, 我都好想永遠同大家一齊, 但當你決定左行前去追求某D野, 而大家步伐開始唔一致好自然就漸行漸遠。

有人可能未諗得開就覺得大家唔重視佢

其實因為我試過高估左自己係人地心目中既地位而落得一個好慘既下場, 所以冇以後喇。
除非對方真係做左好多野去PROOF, 否則我都唔會再信架喇。
大家成日覺得BONNIE講野好殘忍, 事實上次次搵佢傾計都好舒服。
同冰山一樣, 從來唔會縱我, 係教我。

「與其你花咁多時間去關心人, 不如關心下你自己。講真, 我唔覺得佢地有擺你係心入面, 似用到就用、用完就算囉!!!
可能我咁講好仆街, 但我真係覺得你個情況要同多D幫到你既人一齊。」
所以我都寧願痴D讀書既同學好過, 仲玩乜呀?
未玩夠咩?
永遠都唔會忘記AL慘敗個教訓。
係自己柒返黎既惡果, 而家真係還到我仆街

D位同D人係郁哂架喇, 但唔代表從此要做仇人, 我都好感激果次癲仲有人聽我喊。
如果可以將目前生活上某D唔鍾意既人同你地對調就好喇~

講開又講, 有種人大家一定遇過, 就係佢發現佢既價值觀、睇法同你唔同既時候, 就不停去攻擊你既想法、俾各種說話你聽、誓死要令你難受, 然後仲要扮撚哂野話:「哦, 冇乜既, 咁唔同人有唔同既睇法嘛~」
虛偽到核爆......
根本就係要迫人道歉、講SORRY認同佢, 但係你配合佢呢, 又話唔使喇~
係咪心理有問題?

除左情緒攻擊, 呢種人都好討厭。
正如我自己地頭放下負, 都要屌我唔好咁多內心OS
唔開心想搵個位放下D情緒垃圾都要得佢批准, 仲要用自己果套黎衡量你處理痛苦既辦法, 到底叫人:「我都有唔開心既時候, 但唔會咁囉!(個囉字同語氣係超經典果種刻薄)」
「係咪講左真係咁有用?所有問題即刻解決哂?」
同一個喊緊既人講D咁既野, 你到底有幾想對方快D去死?
呢個係二重傷害~
本身已經絕望, 加埋D咁殘忍既說話, 姐係同我講「你快D跳落去啦! 呢個世界係咁架喇~」

所以我決定搬BLOG喇, 因為有D人真係好撚過份~

其實我做錯咩會惹埋D咁既人????????????

創作者介紹

Rabbit Ciel

諾維爾 發表在 痞客邦 PIXNET 留言(0) 人氣()