幾得意既一集,講到處、拍拖經驗、男女平等、女性危機、婚姻。
處女情結呢樣野係我果代已經漸漸淡化,反而好多老一輩都普遍仲有好強既處女觀念。
其實又唔好一下子就反感,理解一下點解有呢個觀念先~
首先,係古時因為未有避孕這回事,而只有女人可以確保後代既血源,為左血統純正(即避免自己載綠帽/幫人養便宜仔)因此要求女性守貞。
其次,事實上性行為附帶而黎既後果亦只會發生於女性身上,男性在事後的生理唔會有任何變化。所以,守貞都有保護女性既作用。
原意係咁,只係去到好多實例就變成用來懲罰女性的刑具。
先唔講性侵同童婚問題,呢個要開新文探討~
例如麥明詩所講既記者,佢似乎認為女性最大價值就係果塊處女膜。
翻開兩側的大小陰唇,處女膜位於陰道口入一點的位置,結構上佈滿豐富的微血管和神經、有缺口位讓經血流出。
由於女性的生殖器是開放的,係青春期開始、卵巢發育前擔當住阻擋外界細菌入侵既重任。
基於只係一塊簿膜,所以劇烈既運動、趺倒、繁重既體力勞動都足以令處女膜破裂,並不只有性交才會破裂。
亦有些女生係初次性交冇落紅,有可能是因為處女膜既形狀、男方陰莖太短以致接觸不到處女膜。
而往往女性都必須要承受初夜不落紅既「責任」,係印度和伊斯蘭國家更有機會被判刑或處死,卻從來冇人去瞭解一下到底為什麼。
很多人都不喜歡問「為什麼」的人,但尋找「為什麼」的人減少了世界上很多的無知和不幸。
回歸返處女情結,男人既處女情結除左因為教育和受傳統觀念影響,或多或都會有D自我概念同心理上既影響。
其之一,係乾淨。
濫交既人,不論男女都較容易有性病,有大量實例。
一個未有任何性經驗既處女,理論上唔會有性病,除非本身由母體感染、經手/腳皮膚接觸感染。
對自己既健康有保障,right?
其之二,自尊心問題。
每個男人都做女人既第一個男人:可以完完整整地擁有自己既女朋友。若女朋友唔係處女,呢種男人潛意識就會開始有比較:「佢之前同EX既經驗係點?佢會唔會比較我同佢EX既身材、長短粗幼?佢會享受我既模式嗎?這種表情和反應被別的男人分享過了,真不爽。」
更重要的是,也解釋了調教系既H漫/H GAME/AV點解可以形成別具一格既系列:如果你的第一次是我的,那麼,所有的快感、所有的反應都是我給你的;你在我身上體會過的事情都是我教給你的;我可以指導你任何的技巧,都是以服侍我為基礎的,並不會有其他男人的痕跡。
就是一種充滿快意既征服感。
就好似好耐之前講過既《如果你條女好叻口交,你會點?》。
如果掉返轉,反而女性會恩惠有前女友既調教,覺得男人經過學習和教訓而對自己冇咁差。
所以,無論咩角度去睇,男女天生就根本冇可能平等。
反而係我地點樣藉住性教育引申既性別議題去令男女之間互相理解,達致尊重對方。
講到拍拖經驗次數延伸既男女不平等問題,其實男同女既下場都一樣,你太多EX都會俾人覺得你係就係受歡迎但同時都唔係一件好事。因為大家都會有種迷思覺得你拍咁多拖,一定係D好唔認真、貪玩、周圍開餐既人渣。
呢點係不論男女都會俾人壞印象~
但點解女性受到既指責會較多,同社會上塑像迷思(Stewart, Dobbin, Gatowsk1996: 160)既雙重標準絕對有關。係好多人心目中普遍對女性都有較高既道德標準,認為女性就該好好的活在貞節的框架下,不應該喝酒或接觸任何和性有關的事、更不可以主動有性行為,因此推下去就出現伊斯蘭國家常有的「被強姦者挑逗了強姦犯」的觀念。也許,對女性有較高道德標準基於女性要成為母親,而的確一個母親若是有較高道德水平,對孩子的成長是一件好事。
而事實上,真正對孩子好,是把世界有不道德的一面也教給孩子,不然你看看社會是怎樣催毀純潔又恪守道德禁準的人。
再者,呢個觀念最荒謬既地方:你冇多D同異性相處既經驗,又點知咩人最適合自己、點去表達愛、點去維繫一段關係、黠處理兩個人之間既衝突?
真係有咁多初戀到老咩?
就好似一個專業咁,都要上場做一段時間累積到一定既工作經驗先可以搵到一個終身位置。
世界上亦冇任何一個學位、文憑教到你,必須要靠你自己去試去體驗。
點解大家都咁抗拒做人初戀,就好似你返工教新人一樣咁嘔血而你又深知教識佢之後,佢一定會跳槽囉!
所以第一個提出呢個觀念既人一定認為拍拖只係食飯睇戲上床,而唔係學點樣同對方相處、分享人生、分擔苦樂。
最後麥明詩講到喊,對所有女人黎講,的確好感同身受。
我地大部女人都相信愛情,所以先會想搵個愛自己既人而唔係好似北妹咁嫁個天水圍公屋阿伯。
佢講既情況,發生率係高達九成。
女人的確隨年齡增長同生育過而係戀愛市場上貶值,呢個係無可避免既事實。
好多男人出軌,老婆其實係知,但佢為左屋企所以忍。
雖然作為子女一定會撐阿媽同老豆離婚,而且老豆有咩事一定會簽DNR。
但係,你試下企響太太既角度去諗就發現呢個係一個相當唔容易既決定。要放棄一個自己好愛好愛而曾經又好愛自己既男人,走到婚姻既過程已經相當唔容易,面對住一手一腳一齊去建立既屋企,象徵住曾經的愛情的愛情結晶品。
《囍帖街》之所以動人,因為佢唱出左好多女人(唔理有否經歷過)係面對離婚既心聲。
有件事我一直耿耿於懷:有次同同事傾計,佢地勸我生仔果時千祈唔好俾老公跟埋仕去睇。我打左個突,因為我一直都想係自己人生呢個重大時刻可以有最重要既人陪係我身邊。點知佢地異口同聲咁話:「如果佢望過你生仔就會對你冇哂興趣架喇!」
我好想喊。
點解一個同你經歷左咁多、咁愛你既人,係你最脆弱既時候原來會有個咁既後續。
我知個場面會點,當陰道變成產道,老婆由太太升格左做媽媽,就多左份神聖感。
之後,我同一個異性朋友分享,佢當頭棒喝:「多鳩餘啦!咁呢個世界又會有人母同家政婦系列既!!」
或者有人會覺得現代女性受咁多教育,竟然都仲咁深受束縛影響?其實只係因為女人係感情動物,我地就算明知男人本性如此,心底其實都希望可以有個可以分享人生既人一直同自己一齊行落去。
偏偏我地都明白唔係每個人都可以成為奇蹟女孩。
唔係認為婚姻先係一個女人既成就,而係我地都唔捨得一段已經決志、辛苦建立既感情。
雖然我識好多又靚又叻既大齡女性都超越左以上既咀咒活得精彩;身邊既男士同異性朋友普遍都係尊重女性既紳士;亦知道好多白頭到老恩愛依然既夫妻,但我都深深明白有D野始終要自己面對。

#令我好感觸既節目
#年紀越大其實越鍾意女人
#識太多有情有義既好女人
#女人既責任從來都唔輕鬆
#社會對女人要求仲嚴苛
#你幾時聽到人笑一個男人冇身材
#女人就波大波細都有罪

創作者介紹
創作者 諾維爾 的頭像
諾維爾

Rabbit Ciel

諾維爾 發表在 痞客邦 留言(0) 人氣()